ស្មាតហ្វូនថ្មីរបស់ Huawei ម៉ូដែល Pura 70 Ultra បានក្លាយជាស្ដេចនៃកាមេរ៉ាស្មាតហ្វូនលើតារាងពិន្ទុ DXOMark ជាមួយពិន្ទុសរុបរហូតដល់ ១៦៣ពិន្ទុ។ កាមេរ៉ារបស់ស្មាតហ្វូននេះលេចធ្លោលើការថតច្រើនប្រភេទ រួមមានការថត indoor ការថត outdoor និងនៅគ្រប់ស្ថានភាពពន្លឺ។
ខាងក្រោមនេះជាចំណុចខ្លាំងរបស់ Pura 70 Ultra ៖
១. មានភាពជាប់លាប់ ដែលនេះមានន័យថាស្មាតហ្វូននេះអាចផលិតរូបភាពមានគុណភាពខ្ពស់នៅគ្រប់កាលៈទេស។
២. សមត្ថភាព Zoom មិនបានប្រៀបបាន ដោយ Pura 70 Ultra បានកំណត់ជាស្តង់ដារថ្មីសម្រាប់រូបថត Zoom តាមរយៈការផលិតរូបភាពដែលមាន Detail ខ្ពស់មិនថា Zoom នៅកម្រិតណា។
៣. កំពូលអ្នកថត Portrait ការបូកបញ្ចូលគ្នារវាង Autofocus ដែលលឿនហើយច្បាស់ៗ ជាមួយ Aperture ដែលអាចប្រែប្រួលបាន អាចផ្ដល់បាននូវរូបភាព Portrait ដ៏ទាក់ភ្នែក។
៤. ជំនាញលើការថត Macro ការថតរូបកៀក ត្រូវបានកែសម្រួលកាន់តែប្រសើរលើស្មាតហ្វូននេះ ដោយរូបភាពផលិតចេញមកគឺល្អឥតខ្ចោះតែម្ដង។
យ៉ាងណា DXOMark បានលើកឡើងអំពីចំណុចខ្សោយទាក់ទងនឹងការថតវីដេអូ ដោយការថតវីដេអូមិនមានស្ថិរភាព និងបាត់បង់ Detail ជាពិសេសពេលថតនៅទីខ្វះពន្លឺ៕