Apple បានប្រកាសចេញ iPad Air និង iPad Pro ថ្មី រួមជាមួយនឹង Apple Pencil Pro ផងដែរ។ ត្បិតថា Apple មិនបានអាប់ដេត iPad ជំនាន់ទី១០ ដែលបានប្រកាសចេញកាលពីឆ្នាំ២០២២ ប៉ុន្តែក្រុមហ៊ុនបានបន្ថយតម្លៃឲ្យទាបជាងមុន។
ពាណិជ្ជកម្ម
ចាប់ពីថ្ងៃនេះ iPad ធម្មតា មានលក់តម្លៃទាបជាងមុន ១០០ដុល្លារ ដូចនេះវាមានតម្លៃ ៣៤៩ដុល្លារ សម្រាប់ទំហំ 64GB ប្រើ Wi-Fi និងមានតម្លៃ ៤៩៩ដុល្លារ សម្រាប់ទំហំ 256GB។ ដោយឡែក សម្រាប់សេវា 5G វិញមានតម្លៃ ៤៩៩ដុល្លារ និង ៦៤៩ដុល្លារ។
iPad ជំនាន់ទី១០នេះមានអេក្រង់ទំហំ ១០,៩អ៊ីញ ជាប្រភេទ LCD អមជាមួយឈីប Apple A14 Bionic ជាមួយ RAM ទំហំ 4GB និងមានកាមេរ៉ាមុខក្រោយទំហំ 12MP ហើយមានថ្មទំហំធំ 7606mAh៕