មានមនុស្សមួយចំនួនប្រហែលជាភ្លេច HTC ដែលជាក្រុមហ៊ុនផលិតស្មាតហ្វូន Android ចំណាស់មួយ។ ត្បិតថាស្ងប់ស្ងាត់ពីទីផ្សារស្មាតហ្វូន ប៉ុន្តែក្រុមហ៊ុន HTC នៅបន្តធ្វើប្រតិបត្តិការនៅឡើយ ដោយកាលពីខែឧសភា ឆ្នាំមុន បានប្រកាសចេញស្មាតហ្វូន U23 Pro ហើយពេលនេះ HTC ប្រហែលជាបានត្រៀមរួចរាល់នូវអ្នកស្នងតំណែង ដែលទំនងជាម៉ូដែល U24 Pro។
ពាណិជ្ជកម្ម
HTC U24 Pro ត្រូវបានគេប្រទះឃើញថាបានចុះឈ្មោះទៅក្នុង Google Play Console ដែលជាសញ្ញាបង្ហាញថាការប្រកាសចេញស្មាតហ្វូននេះអាចនឹងធ្វើឡើងក្នុងពេលប៉ុន្មានសប្ដាហ៍ទៀតប៉ុណ្ណោះ។ ស្មាតហ្វូននេះក៏បានលេចចេញនៅក្នុងទិន្នន័យរបស់ Geekbench ផងដែរ។
HTC U24 Pro នឹងប្រើប្រាស់ឈីប Snapdragon 7 Gen 3 SoC ដែលនឹងមកជាមួយនូវជម្រើស RAM 12GB។ វាមានអេក្រង់អាចបង្ហាញរូបភាពកម្រិត 1080×2436 ភីកសែល ជាមួយដង់ស៊ីតេ 480ppi និងមានប្រើប្រាស់នូវប្រព័ន្ធប្រតិបត្តិការ Android 14 មកស្រាប់៕