អ្នកប្រើប្រាស់ឧបករណ៍វៃឆ្លាតនៅចក្រភពអង់គ្លេស នឹងមិនអាចប្រើប្រាស់លេខសម្ងាត់ដែលងាយប៉ាន់ស្មានដូចជា “123456” ឬ “admin” បានតទៀតនោះឡើយ។
នេះគឺជាច្បាប់ថ្មីដែលបានចូលជាធរមានចាប់ពីថ្ងៃទី២៩ ខែមេសា និងជាផ្នែកមួយនៃរបបសន្តិសុខផ្នែកផលិតផល និងហេដ្ឋារចនាសម្ព័ន្ធរបស់ចក្រភពអង់គ្លេស។ អ្នកប្រើដែលកំណត់លេខសម្ងាត់ដូចខាងលើ នឹងត្រូវស្នើសុំឲ្យកំណត់លេខសម្ងាត់ផ្សេង។
ពាណិជ្ជកម្ម
គ្រប់ក្រុមហ៊ុនផលិតឧបករណ៍ IoT មានចាប់ពីទូរសព្ទដៃ ទូរទស្សន៍ ទូរទឹកកក រហូតដល់សោទ្វារ នឹងត្រូវធ្វើការកែសម្រួលលើស្តង់ដារសុវត្ថិភាព ដើម្បីហាមមិនឲ្យអ្នកប្រើ កំណត់លេខសម្ងាត់ដែលងាយប៉ាន់ស្មាន។
បើតាមការចុះផ្សាយរបស់ Sky News ចក្រភពអង់គ្លេសគឺជាប្រទេសទីមួយហើយដែលមានច្បាប់លើការប្រើប្រាស់លេខសម្ងាត់៕