រូបភាពថ្មីនៃសែស្រឡាយ iPhone 16 បានបង្ហាញអំពីភាពខុសគ្នានៃទំហំអេក្រង់ប្រភេទធម្មតា និងប្រភេទ Pro សម្រាប់ឆ្នាំ២០២៤នេះ។
ពាណិជ្ជកម្ម
រូបភាពចែកចាយដោយ Sonny Dickson បង្ហាញអំពីផ្នែកខាងក្រោយនៃសែស្រឡាយ iPhone 16 ដោយ iPhone 16 Pro Max មានអេក្រង់ទំហំ ៦,៩អ៊ីញ ស្ថិតនៅក្បែរ iPhone 16 Pro ដែលរំពឹងថាមានទំហំ ៦,៣អ៊ីញ។
iPhone 16 Plus នឹងមានទំហំ ៦,៧អ៊ីញ ដូចនឹង iPhone 15 Plus ដែរ ខណៈដែល iPhone តូចជាងគេគឺជា iPhone 16 ដែលមានអេក្រង់ ៦,១អ៊ីញ។ iPhone ទាំងពីរនេះ បានបំពាក់កាមេរ៉ាបែបបញ្ឈរ ដែលនឹងអាចឲ្យវាផលិតវីដេអូប្រភេទ Spatial Video។
iPhone 16 ទាំងបួនរំពឹងថានឹងមានប៊ូតុង Action ដូចៗគ្នា ដែលប៊ូតុងនេះធ្លាប់មានផ្ដាច់មុខនៅលើ iPhone 15 Pro Series។ Apple ក៏ប្រហែលជានាំយកប៊ូតុង Capture សម្រាប់ថតរូបភាព ដាក់លើ iPhone 16 ទាំងអស់ផងដែរ៕