ក្រុមហ៊ុន Huawei បានប្រកាសអំពីព្រឹត្តិការណ៍ប្រកាសចេញផលិតផលថ្មីរបស់ខ្លួននៅថ្ងៃទី៧ ខែឧសភា នៅទីក្រុងឌូបៃ ដែលចំនឹងថ្ងៃប្រកាសចេញ iPad ថ្មីរបស់ Apple។
ពាណិជ្ជកម្ម
រូបភាពផ្ដល់ដំណឹងរបស់ Huawei បានបង្ហើបថានឹងមានការប្រកាសចេញ Wearable, កុំព្យូទ័រយួរដៃ Matebook និង Tablet Matepad ផងដែរ ដោយក្នុងនោះមិនបានបញ្ជាក់អំពីការប្រកាសចេញស្មាតហ្វូនថ្មីឡើយ។
Wearable នោះទំនងជា Watch Fit 3 ដែលជាខ្សែដៃកូនកាត់នឹងនាឡិកាដៃ មានលក្ខណៈស្រដៀងនឹង Apple Watch និងមានប៊ូតុងបង្វិលពណ៌ក្រហមដ៏ទាក់ភ្នែក។
សម្រាប់កុំព្យូទ័រយួរដៃវិញនឹងជាម៉ូដែល MateBook X Pro 2024 ដែលកុំព្យូទ័រនេះបានប្រកាសចេញរួចមកហើយសម្រាប់អតិថិជននៅប្រទេសចិន។ កុំព្យូទ័រនេះមានទម្ងន់ ៩៨០ក្រាម ជាមួយឈីប Intel Ultra 9 ដែលលឿនជាងឈីប Core i7 ជំនាន់១៣ ប្រមាណ ៦០%៕