iPad Air ទំហំ ១២,៩អ៊ីញ ដំបូងរបស់ Apple នឹងប្រើប្រាស់អេក្រង់ LCD ដដែល។ នេះបើតាមការឲ្យដឹងពីអ្នកវិភាគ Ross Young នៃក្រុមហ៊ុន Display Supply Chain Consultants។
ពាណិជ្ជកម្ម
កាលពីដើមខែ ប្រភពខាងលើនិយាយថា iPad Air ទំហំធំនេះ អាចនឹងប្រើអេក្រង់ mini-LED ដូចជា iPad Pro បច្ចុប្បន្នដែរ។ ពេលនោះ លោក Ross Young លើកឡើងថា iPad Air ទំហំ ១២,៩អ៊ីញ នឹងប្រើអេក្រង់ mini-LED សេសសល់ពី iPad Pro ខណៈដែល iPad Air ទំហំ ១០,៩អ៊ីញ ថ្មី នឹងនៅតែប្រើអេក្រង់ LCD។
ពេលនេះដែរលោក Ross Young និយាយថា iPad Air ១២,៩អ៊ីញ មិនរំពឹងថាប្ដូរប្រើអេក្រង់ថ្មីឡើយ ដោយសារតម្លៃថ្លៃនៃបន្ទះអេក្រង់។ ជាលទ្ធផល iPad Air ថ្មីទាំងពីរ នឹងប្រើអេក្រង់ LCD ដែលធ្វើឲ្យវាខុសគ្នាដាច់ពី iPad Pro ដោយ iPad Pro ថ្មីរំពឹងថានឹងប្ដូរប្រើអេក្រង់ OLED៕