បើផ្អែកតាមអ្នកឲ្យតម្រុយឈ្មោះថា OvO Baby Sause Ovo នៅលើបណ្ដាញទំនាក់ទំនង Weibo របស់ចិន បានឲ្យដឹងអំពីទំហំថ្មដែលនឹងមានបំពាក់លើ iPhone 16 ទាំងបួនម៉ូដែល។
ពាណិជ្ជកម្ម
ចាប់ផ្ដើមពី iPhone 16 នឹងមានបំពាក់ថ្មទំហំ 3561mAh ធំជាងមុន ៥,៨% ចំណែក iPhone 16 Plus នឹងបំពាក់ថ្មទំហំ 4006mAh ដែលថ្មនេះតូចជាងមុន ៨,៦% ឯណោះ បើធៀបនឹង iPhone 15 Plus។
ចូលដល់ iPhone 16 Pro មានថ្មទំហំ 3355mAh ធំជាង iPhone 15 Pro ចំនួន ២% ដែលមានថ្មទំហំ 3274mAh ហើយ iPhone 16 Pro Max នឹងមានថ្មទំហំធំជាងគេបង្អស់គឺ 4676mAh ធំជាង iPhone 15 Pro Max ចំនួន ៥,៧%។
ថ្មរបស់ iPhone 16 Plus និង iPhone 16 Pro អាចជាដំណឹងគួរឲ្យខកចិត្តមួយ ប៉ុន្តែ iPhone ទាំងបួនរំពឹងថានឹងប្រើឈីបថ្មី A18 Pro ដែលប្រើប្រាស់បច្ចេកវិទ្យា 3nm ជំនាន់ទីពីររបស់ Apple មានសមត្ថភាពសន្សំសំចៃថាមពលកាន់តែខ្លាំងជាងមុន៕