នាយកប្រតិបត្តិក្រុមហ៊ុន Apple លោក Tim Cook បានលក់ភាគហ៊ុនក្រុមហ៊ុនចំនួន ១៩៦ ៤១០ហ៊ុន ដែលមានតម្លៃសរុបប្រមាណ ៣៣,២លានដុល្លារ។ ក្រោយកាត់ពន្ធ លោក Tim Cook ទទួលបានប្រាក់សុទ្ធជិត ១៦,៤លានដុល្លារ ពីការលក់នេះ។
ពាណិជ្ជកម្ម
ភាគហ៊ុនដែលលោក Tim Cook បានបញ្ចេញលក់នេះគឺជាភាគហ៊ុនដែលទទួលបានជាប្រាក់រង្វាន់ប្រចាំឆ្នាំ។ ក្រោយការលក់នេះ លោក Tim Cook នៅមានសេសសល់ជិត ៣,៣លានហ៊ុនទៀត ដែលលោកបានសន្សំចាប់តាំងពីបានឡើងកាន់តំណែងជានាយកប្រតិបត្តិតាំងពីឆ្នាំ២០១១។
ភាគហ៊ុនខាងលើនេះបានដាក់លក់ក្នុងតម្លៃចន្លោះពី ១៦៨ ទៅ ១៦៩ដុល្លារ ក្នុងមួយហ៊ុន។ ភាគហ៊ុនរបស់ Apple ធ្លាប់ឡើងថ្លៃបំផុតដល់ ១៩៧ដុល្លារ ក្នុងមួយហ៊ុន កាលពីថ្ងៃទី ១៤ ខែធ្នូ ឆ្នាំ២០២៣ ក្រោយការបញ្ចេញលក់ iPhone 15 Series៕