Samsung បានបង្ហាញចេញការព្យាករណ៍ពីប្រាក់ចំណូលសម្រាប់ត្រីមាសដំបូងនៃឆ្នាំ២០២៤នេះ ដោយចំនួនលក់រំពឹងថានឹងទទួលបានចន្លោះពី ៥១ ទៅ ៥៣ពាន់លានដុល្លារ។
ពាណិជ្ជកម្ម
អ្វីដែលអស្ចារ្យបំផុតនោះគឺ ប្រាក់ចំណេញរំពឹងថានឹងទទួលបានប្រមាណ ៥ពាន់លានដុល្លារ ជាការកើនឡើងជិត ១០ដង បើធៀបនឹងត្រីមាសដំបូងនៃឆ្នាំ២០២៣។
សន្ទុះកើនឡើងដ៏ខ្លាំងក្លានេះអាចមកពីការកើនឡើងតម្រូវការសម្រាប់គ្រឿងបន្លាស់ HBM ដែលត្រូវការសម្រាប់ផលិតឈីប AI។ នេះបើតាមការចុះផ្សាយរបស់ Reuters។ មួយវិញទៀតគឺព័ត៌មានវិជ្ជមានអំពី Galaxy S24 Series ដែលអាចលក់ចេញបានប្រសើរជាងការរំពឹងទុក។
ការព្យាករណ៍ពីប្រាក់ចំណូលគឺជាការប៉ាន់ស្មានចុងក្រោយដែល Samsung ត្រូវប្រគល់ជូនអាជ្ញាធរកូរ៉េខាងត្បូង និងនិយ័តករ។ របាយការណ៍ពេញលេញដែលបង្ហាញអំពីប្រាក់ចំណេញចេញពីផ្នែកនីមួយៗនៃអាជីវកម្មរបស់ Samsung នឹងត្រូវចេញផ្សាយនៅថ្ងៃព្រហស្បតិ៍ចុងក្រោយនៃខែមេសានេះ៕