ប្រភពចេញពី Sonny Dickson លើបណ្ដាញ X បានបង្ហាញអំពីរូបរាងគំរូនៃ iPhone 16 Series ដែលក្នុងនោះឃើញថា iPhone 16 ទាំងបួនប្រភេទមានទំហំខុសៗគ្នា ដោយ iPhone 16 Pro Max ធំជាងគេ។
ពាណិជ្ជកម្ម
វាហាក់ដូចជាស៊ីសង្វាក់គ្នាទៅនឹងដំណឹងលេចចេញនាពេលកន្លងមកដែលនិយាយថា iPhone 16 Pro និង iPhone 16 Pro Max នឹងបង្កើនទំហំអេក្រង់ដល់ ៦,២៧អ៊ីញ និង ៦,៨៥អ៊ីញ កើនពី ៦,១អ៊ីញ និង ៦,៧អ៊ីញ។ ចំណែក iPhone 16 និង iPhone 16 Plus រំពឹងថានឹងរក្សាទំហំដូចដើមគឺ ៦,១អ៊ីញ និង ៦,៧អ៊ីញ។
ពេលក្រឡេកមើលផ្នែកចំហៀង គេឃើញថា iPhone 16 ទាំងអស់នឹងមានប៊ូតុង Action នៅខាងឆ្វេង ខណៈដែលផ្នែកខាងស្ដាំនឹងមានប៊ូតុងថ្មី ដែលជាប៊ូតុងសម្រាប់ចុចថត។
តាមទម្លាប់របស់ Apple ប្រសិនបើមិនមានអ្វីប្រែប្រួលទេនោះ iPhone 16 Series រំពឹងថានឹងប្រកាសចេញនាចុងឆ្នាំ២០២៤នេះ៕