Google Pixel 8 ខ្វះខាតមុខងារពិសេសមួយចំនួនធៀបនឹង Pixel 8 Pro ហើយអ្វីដែលជាមុខងារសំខាន់នោះគឺ AI Gemini Nano ដែលវាអាចដំណើរការមុខងារ AI មួយចំនួនដូចជាមុខងារ Smart Reply ក្នុងកម្មវិធី Gboard ជាដើម។
ពាណិជ្ជកម្ម
ជាដំណឹងល្អនោះគឺថា Google បានប្រកាសថា AI Gemini Nano នឹងមានវត្តមានលើ Pixel 8 ធម្មតាដែរ នៅក្នុងអំឡុង Pixel Feature Drop នាពេលបន្ទាប់។ Google និយាយថា Pixel 8 នឹងទទួលបានមុខងារ AI ថ្មីចំនួនពីរគឺ Smart Reply និងមុខងារសង្ខេបលើកម្មវិធីថតសម្លេង។
កន្លងមក Google បានលើកឡើងថា Gemini Nano នឹងមិនមានលើ Pixel 8 ដោយសារ Hardware លើម៉ូដែលនេះមានដែនកំណត់។ Pixel 8 ប្រើឈីប Tensor G3 ដូចគ្នានឹង Pixel 8 Pro គ្រាន់តែមានទំហំ RAM ខុសគ្នា គឺមួយ 8GB និងមួយទៀត 12GB។ យ៉ាងក្ដី Gemini Nano នេះមាននៅលើ Galaxy S24 ម៉ូដែលធម្មតា ទោះបីជាវាមាន RAM ទំហំ 8GB ក្ដី៕