ស្មាតហ្វូន OnePlus Ace 3V បានប្រកាសចេញជាមួយឈីប Snapdragon 7+ Gen 3 ដែលជាឈីបធុនមធ្យមកម្លាំងខ្លាំងបំផុតប្រចាំឆ្នាំ២០២៤នេះ ហើយ OnePlus Ace 3V ជាស្មាតហ្វូនដំបូងគេដែលប្រកាសចេញជាមួយឈីបថ្មីនេះ។
ស្មាតហ្វូននេះមានបំពាក់អេក្រង់ AMOLED ទំហំ 6.74” ដែលមានកម្រិតបង្ហាញ 1240 x 2772px និង Refresh Rate 120Hz ហើយវាអាចបាញ់ពន្លឺខ្ពស់បំផុតដល់ 2150 nit។ លើអេក្រង់មានបំពាក់កាមេរ៉ាទំហំ 16MP ផងដែរ។ ងាកទៅមើលកាមេរ៉ាក្រោយវិញ វាមានកាមេរ៉ាគោលទំហំ 50MP និងកាមេរ៉ា Ultrawide ទំហំ 8MP។
ឈីប Snapdragon 7+ Gen 3 លើស្មាតហ្វូននេះ ប្រើជាគូជាមួយនឹង RAM LPDDR5X មានជម្រើស 12GB ឬ 16GB ហើយមានអង្គផ្ទុក UFS 4.0 ដែលមានជម្រើស 256GB ឬ 512GB។
ថ្មរបស់វាមានទំហំ 5500mAh អាចសាកកម្លាំង 100W ដែលសាកពី ១% ដល់ ១០០% ប្រើពេលត្រឹមតែ ២៦នាទីប៉ុណ្ណោះ។
OnePlus Ace 3V កំពុងបើកទទួលការកុម្ម៉ង់ទិញនៅប្រទេសចិន ដោយប្រភេទ 12/256GB មានតម្លៃប្រមាណ ២៨០ដុល្លារ ខណៈប្រភេទ 12/512GB មានតម្លៃប្រមាណ ៣២២ដុល្លារ ជាមូយប្រភេទកប់ជាងគេ 16/512GB មានតម្លៃប្រមាណ ៣៦៤ដុល្លារ៕