ត្រកូល Galaxy S របស់ Samsung បានកត់ត្រាចំនួនលក់ដ៏ល្អប្រសើរក្នុងរយៈពេល២ឆ្នាំចុងក្រោយនេះ ហើយសម្រាប់ឆ្នាំ២០២៤ ភាពជោគជ័យរបស់ S24 Series មានការចូលរួមចំណែកធំពីម៉ូដែល Galaxy S24 Plus។
Galaxy S24 Series រួមមាន S24, S24 Plus និង S24 Ultra ឃើញមានកំណើនការលក់ ៨% ធៀបនឹងឆ្នាំកន្លងទៅ សម្រាប់រយៈពេល ៣សប្ដាហ៍ដំបូងនៃការចេញលក់លើទីផ្សារ។ នេះបើតាមតួលេខរបស់ស្ថាប័ន Counterpoint Research។
គួររំលឹកថា Galaxy S23 Series ក្រោយពីចេញលក់បាន ៨ខែ អាចលក់បានសរុប ២២,៨៩លានគ្រឿង កើនឡើង ២២% ធៀបនឹងការលក់របស់ Galaxy S22 Series។
ពាណិជ្ជកម្ម
អ្វីដែលខុសប្លែកសម្រាប់ឆ្នាំនេះគឺ S24 Plus ជាម៉ូដែលដែលមានកំណើនចំនួនលក់ច្រើនជាងគេ ដោយការលក់មានកំណើន ៥២% ធៀបនឹងឆ្នាំមុន ខណៈដែលកាលពី S23 Plus វាត្រូវបានចាត់ទុកថាជាម៉ូដែលលក់បានតិចជាងគេ៕