ក្រុមហ៊ុន Samsung ទើបប្រកាសចេញ Galaxy S24 Series កាលពីខែមករា ហើយពេលនេះក្រុមហ៊ុនកំពុងមមាញឹកនឹងស្មាតហ្វូនបត់ជំនាន់ថ្មី ដែលជាធម្មតាគឺប្រកាសចេញនៅអំឡុងរដូវក្ដៅ។ យ៉ាងណាមុនការប្រកាសចេញ រូបរាងរបស់វា Samsung Galaxy Z Fold6 បានលេចចេញច្បាស់ពី OnLeaks។
ពាណិជ្ជកម្ម
រូបរាងរបស់ Fold6 គឺស្ទើរតែដូចគ្នាបេះដាក់ទៅនឹង Fold5 និង Fold4 ប៉ុន្តែស៊ុមរបស់វាហាក់មុតជាងមុន មិនមូលដូចជា Fold មុនៗឡើយ។ Fold6 ច្បាស់ណាស់ថានឹងប្រើឈីប Snapdragon 8 Gen 3 និងមុខងារ Galaxy AI។
ប្រភពបានឲ្យដឹងថា Fold6 នឹងមានអេក្រង់ទំហំ ៧,៦អ៊ីញ ដែលនឹងមានទំហំ 153.5 x 132.5 x 6.1 ម.ម នៅពេលមិនទាន់ពន្លា ដែលខ្លីជាងមុន 1.4ម.ម និងមានទទឹងធំជាងមុន 2.6ម.ម។
ចំណែកអេក្រង់ខាងក្រៅវិញគឺមានទំហំ ៦,២អ៊ីញ ជាមួយ Refresh Rate 120Hz និងបាញ់ពន្លឺបានដល់
2600 nits៕