ជារៀងរាល់ឆ្នាំក្នុងព្រឹត្តិការណ៍ Mobile World Congress (MWC) ក្រុមហ៊ុន GSMA តែងរៀបចំកម្មវិធីពានរង្វាន់សកល “Global Mobile Awards” ដែលក្នុងនោះមានពានរង្វាន់ធំមួយគឺជាពានរង្វាន់ស្មាតហ្វូនល្អដាច់គេ។
ពានរង្វាន់នេះមានគួបផ្សំនូវសមត្ថភាពដ៏លេចធ្លោ និងភាពច្នៃប្រឌិត និងការនាំមុខលើទីផ្សារស្មាតហ្វូនអំឡុងខែមករា ដល់ខែធ្នូ ឆ្នាំ២០២៣ ដោយការវាយតម្លៃធ្វើឡើងដោយអ្នកវិភាគឯករាជ្យ អ្នកកាសែត និងបុគ្គលមានឥទ្ធិពលលើវិស័យស្មាតហ្វូនផងដែរ។
បេក្ខភាពឆ្នាំនេះរួមមាន iPhone 15 Pro Series, OnePlus Open, Samsung Galaxy S23 Series និង Samsung Galaxy Z Flip 5 រួមទាំង Google Pixel 8 Series ផងដែរ។ ជាលទ្ធផលនោះគឺ Google Pixel 8 Series ទទួលបានពានរង្វាន់ជាស្មាតហ្វូនល្អដាច់គេប្រចាំឆ្នាំ២០២៣។
គួរដឹងថាពានរង្វាន់នេះកាលពីឆ្នាំ២០២៣ បានទៅលើ iPhone 14 Pro ជាមួយ iPhone 13 Pro Max ទទួលបានពាននេះនៅឆ្នាំ២០២២ ហើយឆ្នាំ២០២១ បានទៅលើ Galaxy S21 Ultra ប៉ុន្តែនេះជាលើកទីមួយដែល Google បានគ្រងតំណែងនេះ៕