ស្មាតហ្វូន Tecno Pova 6 Pro បានប្រកាសចេញជាផ្លូវការជាមួយបន្ទះឈីប Dimensity 6080 ផ្សំជាមួយ RAM ទំហំ 8GB ឬ 12GB ជាមួយអង្គផ្ទុកទំហំដល់ 256GB ផងដែរ។
នៅផ្នែកខាងមុខ វាមានបំពាក់អេក្រង់ 6.78អ៊ីញ បង្ហាញរូបភាពកម្រិត FHD+ ជាប្រភេទ AMOLED និងមាន Refresh Rate 120Hz។ Pova 6 Pro នាំមកនូវថ្មទំហំដល់ 6000mAh ធំជាងជំនាន់មុន 1000mAh ហើយវាគាំទ្រការសាកថ្មកម្លាំងដល់ 70W ឯណោះ។
ចំណែកផ្នែកខាងក្រោយវិញ វាមានបំពាក់កាមេរ៉ា ៣គ្រាប់ ហើយកាមេរ៉ាគោលមានទំហំ 108MP អាចធ្វើការ Zoom មិនខូចគុណភាពបាន ៣ដង និង Zoom បែបឌីជីថលបាន ១០ដង ផងដែរ។ កាមេរ៉ាដទៃទៀតជាប្រភេទវាស់ជម្រៅទំហំ 2MP និងកាមេរ៉ា AI មួយ ហើយផ្នែកខាងមុខមានជាកាមេរ៉ា Selfie ទំហំ 32MP។
គួរដឹងថា Tecno Pova 6 Pro នឹងមានដាក់លក់ដោយក្នុងប្រអប់នឹងមាននូវដុំសាក 70W, ខ្សែ USB, ស្រោមការពារទូរសព្ទ និងឧបករណ៍ចាក់ស៊ីមមួយផងដែរ ប៉ុន្តែតម្លៃ ក៏ដូចជាកាលបរិច្ឆេទចេញលក់នៅមិនទាន់មានការប្រកាសនៅឡើយទេ៕