ក្រុមហ៊ុន Boeing Co. នឹងចំណាយប្រាក់ ២,៥ ពាន់លានដុល្លារ ដើម្បីដោះស្រាយលើការស៊ើបអង្កេតផ្នែកព្រហ្មទណ្ឌរបស់ក្រសួងយុត្តិធម៌ និងសារភាពថា និយោជិកបានបោកបញ្ឆោតនិយតករអាកាសចរណ៍អំពីបញ្ហាសុវត្ថិភាព ដែលបណ្តាលឲ្យមានគ្រោះថ្នាក់ធ្លាក់យន្តហោះ 737 MAX ចំនួន ២ លើក។
ពាណិជ្ជកម្ម
ដំណោះស្រាយដែលត្រូវបានធ្វើឡើងកាលពីថ្ងៃព្រហស្បតិ៍ នៅក្នុងតុលាការសហព័ន្ធទីក្រុង Dallas នឹងដកចេញនូវការហាមឃាត់ស្របច្បាប់ ដែលបានដាក់លើក្រុមហ៊ុនអាកាសចរណ៍អស់រយៈពេលប្រហែលពីរឆ្នាំ ចាប់តាំងពីហេតុការណ៍ដែលបណ្តាលឲ្យអ្នកដំណើរជាច្រើននាក់បានស្លាប់។
គួរឲ្យដឹងថា ការទូទាត់សំណងនេះរួមបញ្ចូលទាំងការផាកពិន័យ ជិត ២៤៤ លានដុល្លារ ក៏ដូចជាសំណងជិត ២,៣ ពាន់លានដុល្លារ ដល់អតិថិជនក្រុមហ៊ុនអាកាសចរណ៍ និងក្រុមគ្រួសារនៃអ្នកដំណើរ ៣៤៦ នាក់ ដែលបានស្លាប់ក្នុងគ្រោះថ្នាក់ទាំង ២ លើក៕