ទោះមានកូវីដ១៩ តែឆ្នាំ២០២០ ធនាគារវៀតណាម ចំណេញបានច្រើនកប់ក្តោង

ធនាគារ បានរកប្រាក់ចំណេញយ៉ាងច្រើនក្នុងឆ្នាំ ២០២០ ទោះបីសេដ្ឋកិច្ចបានកើនឡើងក្នុងអត្រាទាបបំផុតក្នុងមួយទសវត្សនេះ ហើយ ៧០ ភាគរយនៃក្រុមហ៊ុនបានបិទទ្វារ ច្រើនជាងនៅឆ្នាំ ២០១៩ ក៏ដោយ។

VietinBank ដែលជាអ្នកផ្តល់ប្រាក់កម្ចីធំជាងគេទី ៣ នៅប្រទេសវៀតណាម បានរាយការណ៍អំពីការកើនឡើងប្រាក់ចំណេញ ៤០ ភាគរយ។ ជាមួយគ្នានេះដែរ ក្រុមហ៊ុន Vietcombank បានរាយការណ៍អំពីប្រាក់ចំណេញប្រហែល ១ ពាន់លានដុល្លារ ដូចគ្នាទៅនឹងឆ្នាំមុន។

ពាណិជ្ជកម្ម

មិនតែប៉ុណ្ណោះ Tien Phong Commercial (TPBank) និង ធនាគារ Vietnam Maritime Commercial Joint Stock Bank បានមើលឃើញពីប្រាក់ចំណេញរបស់ពួកគេកើនឡើង ១១ ភាគរយ និង ៩០ ភាគរយដែលវាជាអត្រាមិនគួរឲ្យជឿមួយ។

VietinBank ដែលគ្រប់គ្រងដោយរដ្ឋបានសន្មតថា ការកើនឡើងនៃប្រាក់ចំណេញ ដោយសារការកើនឡើងប្រាក់ចំណូលមិនមែនការប្រាក់ (non-interest income) និងការកាត់បន្ថយចំណាយប្រតិបត្តិការ។

ដោយឡែក VPBank និង Techcombank គឺជាអ្នកផ្តល់ប្រាក់កម្ចីដែលរកប្រាក់ចំណេញបានច្រើនបំផុត។ ពួកគេមិនទាន់បានប្រកាសពីតួលេខពេញមួយឆ្នាំនៅឡើយទេ ប៉ុន្តែក្នុងរយៈពេល ៩ ខែដំបូង ប្រាក់ចំណេញរបស់ពួកគេបានកើនឡើង ៣០ ភាគរយ និង ២០ ភាគរយរៀងៗខ្លួន៕