[ទីផ្សារបរទេស] ទីផ្សារស្មាតហ្វូនក្នុងឆ្នាំ២០២៣ ជាពេលដែលអន់ថយជាងគេក្នុងរយៈពេល ១១ឆ្នាំ ដោយចំនួនលក់សរុបមាន ១,១៤២ពាន់លានគ្រឿង។
ពាណិជ្ជកម្ម
ក្នុងនោះដែរ Apple បានឈរចំណាត់ថ្នាក់លេខមួយជាលើកដំបូង ជាក្រុមហ៊ុនដែលលក់ទូរសព្ទបានច្រើនជាងគេ ខណៈ Samsung បានថយចុះការលក់ ១៣%។ នេះបើតាមតួលេខចេញផ្សាយដោយស្ថាប័នស្រាវជ្រាវទីផ្សារ Canalys។
ក្នុងឆ្នាំ២០២៣ ក្រុមហ៊ុន Apple អាចលក់ស្មាតហ្វូនបានសរុប ២២៩,២លានគ្រឿង ថយចុះ ១% ធៀបនឹងឆ្នាំ២០២២ ដោយកាន់កាប់ចំណែកទីផ្សារ ២០%។ ចំណែក Samsung តាមពីក្រោយជាមួយចំនួនលក់ ២២៥,៤លានគ្រឿង ថយចុះ ១៣% និងមានចំណែកទីផ្សារ ២០%។
លេខបីបានទៅលើ Xiaomi ជាមួយចំនួនលក់ ១៤៦,១លានគ្រឿង ថយចុះ ៤%, លេខបួនបានទៅលើ OPPO ជាមួយចំនួនលក់ ១០០,៧លានគ្រឿង ថយចុះ ១១% និងលេខប្រាំបានទៅលើក្រុមហ៊ុន Transsion ដែលលក់ស្មាតហ្វូនបាន ៩២,៦លានគ្រឿង កើនឡើង ២៧%៕