[ទីផ្សារបរទេស] ក្រុមហ៊ុន Samsung បានប្រកាសអំពីរយៈពេលនៃការគាំទ្រដ៏ច្រើនឆ្នាំទៅលើការធ្វើកំណែទម្រង់ ឬអាប់ដេត ប្រព័ន្ធប្រតិបត្តិការ និងការអាប់ដេតពង្រឹងផ្នែកសុវត្ថិភាពលើស្មាតហ្វូន Galaxy S24 Series។ តទៅនេះមកស្វែងយល់ថាក្រុមហ៊ុនទូរសព្ទនីមួយៗផ្ដល់ការអាប់ដេតដល់អ្នកប្រើបានប៉ុន្មានឆ្នាំដែរ។
១. Asus ៖ ជាទូទៅផ្ដល់ការអាប់ដេត OS ចំនួនពីរជំនាន់ និងអាប់ដេតសុវត្ថិភាព ២ឆ្នាំ
២. Google ៖ ក្រុមហ៊ុន Google បានបង្កើតប្រវត្តិសាស្ត្រនៃរយៈពេលគាំទ្រជាមួយស្មាតហ្វូន Pixel 8 Series ដោយសន្យាថានឹងផ្ដល់ការអាប់ដេត OS ចំនួន៧ជំនាន់ និងអាប់ដេតសុវត្ថិភាពរយៈពេល ៧ឆ្នាំ
៣. HMD Global ៖ ជាទូទៅផ្ដល់ការអាប់ដេត OS ចំនួនពីរជំនាន់ និងអាប់ដេតសុវត្ថិភាព ៣ឆ្នាំ សម្រាប់ស្មាតហ្វូនម៉ាក Nokia
៤. Honor ៖ ភាគច្រើន Honor ផ្ដល់ការអាប់ដេត OS ចំនួនពីរជំនាន់ និងអាប់ដេតសុវត្ថិភាព ២ឆ្នាំ
៥. Huawei ៖ ចំនួននៃការអាប់ដេត OS មិនមានជាភាពជាក់លាក់នោះទេសម្រាប់ស្មាតហ្វូន Huawei ដែលប្រកាសចេញនាពេលថ្មីៗនេះ
៦. Motorola ៖ ជាធម្មតាផ្ដល់ការអាប់ដេត OS ចំនួនពីរជំនាន់ និងអាប់ដេតសុវត្ថិភាព ២ឆ្នាំ ឬពេលខ្លះអាចដល់ ៣ឆ្នាំ
៧. OnePlus ៖ ជាមួយស្មាតហ្វូនថ្មីៗទើបប្រកាសចេញ OnePlus ផ្ដល់ការអាប់ដេត OS ចំនួន ៤ជំនាន់ និងអាប់ដេតសុវត្ថិភាព ៥ឆ្នាំ
៨. OPPO ៖ រាប់ពីស្មាតហ្វូនលំដាប់ Flagship ចេញចាប់ពីឆ្នាំ២០២៣ ទទួលបានអាប់ដេត OS ចំនួន ៤ជំនាន់ និងអាប់ដេតសុវត្ថិភាព ៥ឆ្នាំ
៩. POCO ៖ ស្មាតហ្វូន POCO ភាគច្រើនទទួលបានអាប់ដេត OS ចំនួន ២ជំនាន់ និងអាប់ដេតសុវត្ថិភាព ២ឆ្នាំ
១០. realme ៖ ជាធម្មតាទទួលបានការអាប់ដេត OS ២ជំនាន់ និងអាប់ដេតសុវត្ថិភាព ៣ឆ្នាំ
១១. Samsung ៖ ស្មាតហ្វូន Samsung ស៊េរីចាស់ភាគច្រើនអាប់ដេត OS ថ្មីបាន ៤ឆ្នាំ និងអាប់ដេតសុវត្ថិភាព ៥ឆ្នាំ ប៉ុន្តែសម្រាប់ Flagship ចាប់ពី Galaxy S24 Series ឡើងទៅ ទទួលបានការអាប់ OS ៧ជំនាន់ និងអាប់ដេតសុវត្ថិភាព ៧ឆ្នាំ
១២. Sony ៖ ស្មាតហ្វូន Sony ភាគច្រើនទទួលបានអាប់ដេត OS ចំនួន ២ជំនាន់ និងអាប់ដេតសុវត្ថិភាព ២ឆ្នាំ
១៣. vivo ៖ លើទីផ្សារមួយចំនួន vivo ផ្ដល់ការអាប់ដេត OS ចំនួន ៣ជំនាន់ និងអាប់ដេតសុវត្ថិភាព ៣ឆ្នាំ
១៤. Xiaomi ៖ ស្មាតហ្វូន Flagship របស់ Xiaomi ទទួលបានការផ្ដល់ជូនពិសេស ដោយអាប់ដេត OS ៣ជំនាន់ និងអាប់ដេតសុវត្ថិភាពបាន ៤ឆ្នាំ
១៥. Apple ៖ ការអាប់ដេត OS គឺមានរយៈចំនួន ៥ជំនាន់ ខណៈការអាប់ដេតសុវត្ថិភាពនឹងបន្តកើតលើស ៥ឆ្នាំ ប៉ុន្តែមិនជាញឹកញាប់ឡើយ៕
