តម្លៃអចលនទ្រព្យនៅក្នុងប្រទេសវៀតណាម បានហក់ឡើងខ្ពស់ជាពិសេសនៅទីក្រុង ហាណូយ និង ហូជីមីញ នៅឆ្នាំ ២០២០ នេះ ទោះបីជាមានការធ្លាក់ចុះសេដ្ឋកិច្ច ដែលបណ្តាលមកពីការរីករាលដាលនៃជំងឺកូវីដ១៩ ក្តី។
តម្លៃអាផាតមិន (Apartment) នៅទីក្រុងធូដុក (Thu Duc City) ដែលជាតំបន់ទីក្រុងថ្មីមួយនៅភាគខាងកើត ទីក្រុង ហូជីមីញ គឺមានតម្លៃចន្លោះ ៦០ ទៅ ៩០ លានដុង (២ ៦០០ ទៅ ៣ ៩០០ ដុល្លារ) ក្នុងមួយម៉ែត្រការ៉េ ដែលជាតំបន់ Premium មួយ ខណៈការបង្កើតទីក្រុងថ្មីនេះជំរុញឲ្យមានតម្រូវការកាន់តែខ្ពស់។
ដោយឡែក នៅក្នុងតំបន់ដែលមានតំលៃសមរម្យ តម្លៃបានកើនឡើង ២០ ទៅ ៤០ ភាគរយ ដល់ ៣០ ទៅ ៣៥ លានដុង ក្នុងមួយម៉ែត្រការ៉េ ដោយសារទីក្រុងថ្មីនេះត្រូវបានគេរំពឹងថា នឹងធ្វើឲ្យមានកំណែទម្រង់រដ្ឋបាល និងកំណើន។
ជាមួយគ្នានេះ តំបន់ផ្សេងទៀតនៅក្នុងទីក្រុងធំបំផុតរបស់ប្រទេសវៀតណាម ក៏ត្រូវបានគេមើលឃើញថា ឡើងថ្លៃនៅឆ្នាំ ២០២០ នេះដែរ។
ផ្នែកអចលនទ្រព្យដែលបានសាងសង់រួចរាល់ នៅក្នុងទីក្រុងហូជីមីញ ត្រូវបានគេមើលឃើញតម្លៃជាមធ្យមកើនឡើងជិត ៣៦ ភាគរយ ដល់ ៥ ២៧៧ ដុល្លារក្នុងមួយម៉ែត្រការ៉េ នៅក្នុងត្រីមាសទី ២ និង កំណត់ត្រាថ្មីចំនួន ៥ ៣៣៧ ដុល្លារក្នុងមួយម៉ែត្រការ៉េ នៅក្នុងត្រីមាសទី ៣ ហើយការកើនឡើងបន្ថែមទៀត ត្រូវគេរំពឹងថាកើតឡើងនៅក្នុងត្រីមាសចុងក្រោយនៃឆ្នាំ ២០២០ នេះតែម្តង៕
