ប្រទេសម៉ិកស៊ីកូ គឺជាផ្ទះរបស់ក្រុមជួញដូរគ្រឿងញៀនដែលមានឥទ្ធិពលបំផុតនៅលើពិភពលោក ដែលបានធ្វើភេរវកម្មដល់ប្រទេសនេះអស់រយៈពេលជាច្រើនឆ្នាំមកហើយ។ ប៉ុន្តែប្រទេសនេះបានត្រៀមខ្លួនរួចជាស្រេច ដើម្បីសាកល្បងអ្វីដែលខុសប្លែកគេ ក្នុងការដោះស្រាយក្រុមក្មេងទំនើង ដោយធ្វើឲ្យស្របច្បាប់យ៉ាងហោចណាស់ផលិតផលមួយរបស់ពួកគេ គឺ “កញ្ឆា”។
ប្រទេសម៉ិកស៊ីកូ នឹងក្លាយជាទីផ្សារថ្នាំជក់ស្របច្បាប់ធំបំផុតរបស់ពិភពលោក នៅពេលដែលសភារបស់ខ្លួន បានអនុម័តច្បាប់នៅក្នុងប៉ុន្មានសប្តាហ៍ខាងមុខនេះ ដើម្បីធ្វើឲ្យកញ្ឆាស្របច្បាប់នៅទូទាំងខ្សែសង្វាក់ផ្គត់ផ្គង់ ចាប់ពីការធ្វើកសិកម្មរហូតដល់ការចែកចាយ និងការប្រើប្រាស់។
គួរឲ្យដឹងថា សមាជិកសភានៅក្នុងសភាជាន់ទាបនិយាយថា ពួកគេនឹងអនុម័តសេចក្តីព្រាងច្បាប់ខាងលើ នៅត្រឹមខែកុម្ភៈ ទោះបីពួកគេចង់បង្កើនចំនួនដែលអ្នកប្រើប្រាស់អាចកាន់កាប់ជាសាធារណៈ លើសពីការកំណត់របស់ព្រឹទ្ធសភា ដែលត្រឹម ២៨ ក្រាម។
សូមបញ្ជាក់ថា នាពេលបច្ចុប្បន្ននេះ នៅក្នុងប្រទេសម៉ិកស៊ីកូ មនុស្សម្នាក់អាចកាន់កញ្ ឆាបានរហូតដល់ទៅ ៥ ក្រាមដោយមិនត្រូវបានចាប់ខ្លួនឡើយ។ ចំណែកឯការប្រើប្រាស់កញ្ឆាសម្រាប់គោលបំណងឱសថមានលក្ខណៈស្របច្បាប់ តាំងពីឆ្នាំ ២០១៧ មកម្ល៉េស៕