Bitcoin កំពុងស្ថិតនៅលើផ្លូវជោគជ័យរបស់ខ្លួន ដែលមានរយៈពេលយូរបំផុត ពោលគឺជាងមួយឆ្នាំហើយ បន្ទាប់ពីបានបំបែកកំណត់ត្រា ឡើងថ្លៃខ្ពស់ជាង ២៨ ០០០ ដុល្លារ កាលពីចុងសប្តាហ៍កន្លងទៅនេះ។
ពាណិជ្ជកម្ម
រូបិយប័ណ្ណឌីជីថល Cryptocurrency ធំបំផុតនេះ បានឡើងដល់តម្លៃខ្ពស់បំផុតមិនធ្លាប់មាន គឺ ២៨ ៣៦៥ ដុល្លារ/កាក់ កាលពីថ្ងៃអាទិត្យ។ នេះបើយោងតាមសារព័ត៌មាន Bloomberg។
លោក Vijay Ayyar ប្រធានផ្នែកអភិវឌ្ឍន៍អាជីវកម្ម នៃក្រុមហ៊ុន Luno នៅប្រទេសសិង្ហបុរី ដែលទិញដូរ Bitcoin ដែរនោះ បានមានប្រសាសន៍ថា “អារម្មណ៍របស់ខ្ញុំគឺ យើងខិតជិតដល់ចំណុចកំពូលហើយ ដោយយើងអាចឈានដល់ ៣ ម៉ឺនដុល្លារ/កាក់”។
គួរឲ្យដឹងថា Bitcoin បានកើនឡើងថ្លៃទ្វេដង នៅឆ្នាំ ២០២០ ចំពេលដែលជំងឺរាតត្បាតកូវីដ១៩ កាន់តែអាក្រក់ទៅៗ៕