បើអ្នកតាមដានព័ត៌មានកៀក អ្នកអាចឮពីរទៅបីដងមកហើយថា Galaxy S24 Ultra របស់ Samsung ត្រៀមនឹងប្រើប្រាស់ស៊ុមជាសារធាតុ ទីតានីញ៉ូម ដែលជំហានមួយនេះ Apple ទើបនឹងដើរហើយថ្មីៗ ដូចមានលើ iPhone 15 Pro និង iPhone 15 Pro Max ។
ហើយថ្ងៃនេះមានពាក្យចចាមអារ៉ាមមួយទៀត គឺមានប្រភពមកពីប្រទេសកំណើតរបស់ Samsung គឺកូរ៉េខាងត្បូង បានបញ្ជាក់ពីការពិតនេះ។
យោងតាមប្រភពមិនបញ្ចេញឈ្មោះ Galaxy S24 Ultra នឹងក្លាយជាស្មាតហ្វូន Samsung ដំបូងគេដែលប្រើស៊ុមការពារជា ទីតានីញ៉ូម។ ប៉ុន្ដែម៉ូឌែល Galaxy S24 ឬ S24+ នឹងមិនមានប្រើនោះឡើយ។
ស៊ុមថ្មីនេះដែរ គេដឹងថាវាមានតម្លៃលើស ស៊ុមអាលុយមីញ៉ូមដែល Samsung ធ្លាប់ប្រើកន្លងមកប្រមាណ ២០ដុល្លារ។ ក្នុងនោះដេរ Samsung បានកំណត់គោលដៅជាបណ្ដោះអាសន្ន គឺផលិតស៊ុមទីតានីញ៉ូមចំនួន ១៥លាន ដែលចំនួននេះជាចំនួនផលិតរបស់ Galaxy S23 Ultra បានឡើងលើទីផ្សារ នៅឆ្នាំ២០២៣ នេះផងដែរ។
របាយការណ៍បន្តនិយាយថា Galaxy S24 Ultra នឹងមានអេក្រង់រាបស្មើមិនកោងដូចរាល់ដងទៀតនោះទេ៕