[ទីផ្សារបរទេស] ទិន្នន័យដែលចេញផ្សាយដោយ Focus2move បានបង្ហាញអំពីម៉ូដែលរថយន្តលក់ដាច់ជាងគេទាំង១០ នៅអាស៊ីអាគ្នេយ៍ក្នុងរយៈពេល៩ខែដំបូងនៃឆ្នាំ២០២៣នេះ ដោយក្នុងនោះ Toyota Hilux កំពុងគ្រងតំណែងជារថយន្តលក់ដាច់ជាងគេ។ ខាងក្រោមនេះគឺជារថយន្តលក់ដាច់ជាងគេទាំង១០ ៖
១. Toyota Hilux លក់បាន ១៥៤ ១០០
២. Isuzu D-Max លក់បាន ១២៦ ១៩២គ្រឿង
៣. Perodua Myvi លក់បាន ៨៦ ២៨១គ្រឿង
៤. Honda City លក់បាន ៨១ ១៦៨គ្រឿង
៥. Honda HR-V លក់បាន ៧៣ ៥៤៧គ្រឿង
៦. Mitsubishi Xpander លក់បាន ៧១ ៩៥៩គ្រឿង
៧. Ford Ranger លក់បាន ៦៤ ១៨៧គ្រឿង
៨. Toyota Vios លក់បាន ៦២ ៩២៩គ្រឿង
៩. Toyota Avanza លក់បាន ៥៨ ៥៧៤គ្រឿង
១០. Perodua Bezza លក់បាន ៥១ ៧៣៥គ្រឿង
ទីផ្សារដែល Hilux និង D-Max អាចលក់ចេញបានច្រើនជាងគេគឺនៅប្រទេសថៃ ដែលជាទីផ្សាររថយន្តថ្មីធំលំដាប់ទីពីរបន្ទាប់ពីឥណ្ឌូណេស៊ី ហើយប្រទេសថៃក៏ជាប្រទេសដែលពេញនិយមប្រើប្រាស់ឡានភីកអាប់ច្រើនជាងគេនៅអាស៊ីអាគ្នេយ៍ផងដែរ។
សង្កេតឃើញថាក្នុងបញ្ជីរថយន្តលក់ដាច់ជាងគេទាំង១០ មិនមានរថយន្តរបស់ក្រុមហ៊ុនកូរ៉េមួយគ្រឿងឡើយ។ ម៉ាកកូរ៉េខាងត្បូង ដែលលក់ចេញបានច្រើនជាងគេគឺមានម៉ាក Hyundai និង Kia ដោយទីផ្សារធំរបស់ម៉ាកទាំងពីរគឺនៅវៀតណាម ប៉ុន្តែទំហំទីផ្សាររថយន្តវៀតណាមស្ថិតនៅលំដាប់ទីប្រាំប៉ុណ្ណោះ នៅពីក្រោយឥណ្ឌូណេស៊ី ថៃ ម៉ាឡេស៊ី និងហ្វីលីពីន៕