[ទីផ្សារបរទេស] ក្រុមហ៊ុនមួយដែលជំនាញនាំចូលម៉ូតូពីបរទេសទៅកាន់វៀតណាម បានដឹកជញ្ជូនម៉ូតូ Honda Dream ស៊េរីថ្មី ជាង៣០គ្រឿង ដើម្បីចរាចរណ៍លក់នៅវៀតណាម។
បើតាមហាងលក់រាយ បានឲ្យដឹងថា ម៉ូតូ Honda Dream ស៊េរីថ្មីនេះ មានតម្លៃខ្ពស់រហូតដល់ ១០០លានដុង ដែលស្មើប្រមាណ ៤ ០០០ដុល្លារ ខណៈដែលតម្លៃនៅកម្ពុជាគឺប្រមាណជា ២ ៥០០ដុល្លារ។ តម្លៃរបស់ម៉ូតូ Dream នៅទីផ្សារជាច្រើន តែងមានតម្លៃខ្ពស់ ព្រោះថាវាគឺជាម៉ូតូដ៏ល្បីឈ្មោះមួយ។
ជាមួយតម្លៃខ្ពស់ និងចំនួនម៉ូតូមានតិចតួចបែបនេះ ម៉ូតូ Honda Dream ស៊េរីថ្មីនេះ ច្បាស់ណាស់គឺសក្តិសមសម្រាប់តែអតិថិជនដែលមានជីវភាពធូរធារ និងចូលចិត្តប្រមូលទិញរបស់របរទុកជា Collection។
កន្លងមក ម៉ូតូ Dream ក៏បានចែកចាយលក់នៅវៀតណាមដែរ ដោយចំនួនម៉ូតូដែលដាក់លក់គឺមានមិនច្រើនឡើយ ព្រោះតែតម្លៃរបស់វាខ្ពស់ពេកបើធៀបនឹងចំណុចពិសេសរបស់វា។
តម្លៃខ្ទង់ ៤ពាន់ដុល្លារនេះ គឺប្រហាក់ប្រហែលនឹងម៉ូតូ Honda SH 160i ដែលមានម៉ាស៊ីនធំជាង និងមានបច្ចេកវិទ្យាទំនើបជាងផងដែរ៕