រដ្ឋាភិបាលវៀតណាម បានទម្លាក់ថ្លៃអគ្គិសនី ១០ ភាគរយ សម្រាប់ត្រីមាសចុងក្រោយនៃឆ្នាំនេះ ដើម្បីគាំទ្រដល់ការងើបឡើងវិញនៃសេដ្ឋកិច្ច ពីផលប៉ះពាល់របស់ជំងឺកូវីដ១៩។
ការបញ្ចុះតម្លៃនេះអនុវត្តចំពោះអាជីវកម្ម និងគ្រួសារ សម្រាប់ការប្រើប្រាស់អតិបរមា ៣០០ គីឡូវ៉ាត់ម៉ោងក្នុងមួយខែ ចាប់ពីខែតុលាដល់ខែធ្នូ។ ការប្រើប្រាស់លើសដែនកំណត់នេះនឹងគិតតម្លៃធម្មតា។
ពាណិជ្ជកម្ម
ដោយឡែកចំពោះតំបន់ដែលរងប៉ះពាល់ដោយសារជំងឺកូវីដ១៩ ខ្លាំង នឹងទទួលបានការបញ្ចុះតម្លៃ ១០០ ភាគរយលើវិក្កយបត្រអគ្គិសនីរបស់ពួកគេ ខណៈផ្នែកសុខាភិបាល ដែលសាកល្បង និងព្យាបាលអ្នកជំងឺកូវីដ១៩ នឹងទទួលបានការបញ្ចុះតម្លៃ ២០ ភាគរយ។
គួរឲ្យដឹងថា រដ្ឋាភិបាលបានផ្តល់ការបញ្ចុះតម្លៃ ១០ ភាគរយរួចទៅហើយ កាលពីត្រីមាសទី ២ ដែលត្រូវបានគេប៉ាន់ស្មានថា រដ្ឋចំណាយថវិកាដល់ ៤៧៦ លានដុល្លារ៕