Bitcoin បានឈានដល់ការបំបែកកំណត់ត្រាថ្មីមួយទៀត ដោយឡើងថ្លៃខ្ពស់ជាង ២០ ០០០ដុល្លារ/កាក់ មិនធ្លាប់មានទេពីមុនមក។
ពាណិជ្ជកម្ម
រូបិយប័ណ្ណនិម្មិតខាងលើនេះ បានកើនឡើងថ្លៃជាង ១៧០% នៅឆ្នាំនេះ ចំពេលដែលកំពុងមានភាពចលាចលនៅផ្សារហ៊ុន។ កាលពីថ្ងៃពុធកន្លងទៅនេះ Bitcoin បានកើនឡើងថ្លៃ ៤,៥% ទៀតបើប្រៀបធៀបនឹងតម្លៃចាស់ចុងក្រោយបង្អស់ ពោលគឺដល់ ២០ ៤៤០ ដុល្លារហើយ។
មិនតែប៉ុណ្ណោះ គេបានរំពឹងទុកផងដែរថា វាអាចនឹងឡើងថ្លៃកាន់តែខ្លាំងឡើង ក៏ដូចជាប្រើប្រាស់ទូលំទូលាយជាងមុន ហើយក្លាយជាវិធីសាស្ត្រទូទាត់ដ៏ពេញនិយមមួយ ដូចជាសម្រាប់ Starbucks និង Microsoft ជាដើម។
គួរឲ្យដឹងដែរថា កាលពីឆ្នាំ២០១៧ Bitcoin បានឡើងថ្លៃជិតដល់ ២០ ០០០ដុល្លារ ប៉ុន្តែបានធ្លាក់ចុះថ្លៃវិញខ្លាំង ដោយកាលនោះនៅសល់មិនដល់ ៣ ៣០០ដុល្លារឡើយ៕