ក្រុមហ៊ុនអាកាសចរណ៍អង់គ្លេស លុបចោលការធ្វើដំណើរទៅទីក្រុងសេអ៊ូល និងផ្អាកហោះទៅ ទីក្រុងបាងកក

យោងតាមប្រភពព័ត៌មានបានឲ្យដឹងថា ក្រុមហ៊ុនអាកាសចរណ៍អង់គ្លេស British Airways បានលុបចោលសេវាកម្មហោះទៅកាន់គោលដៅធ្វើដំណើររយៈពេលវែង ចំនួន ១៥ គោលដៅនៅឆ្នាំក្រោយ។

ពាណិជ្ជកម្ម

ព័ត៌មាននេះបានកើតឡើងនៅពេលដែលក្រុមហ៊ុនអាកាសចរណ៍ជាច្រើន បានកាត់បន្ថយបុគ្គលិក និងកាត់បន្ថយផ្លូវហោះហើរ ដោយសារតែអ្នកដំណើរកាត់បន្ថយការធ្វើដំណើរ ចំពេលមានការរីករាលដាលនៃជំងឺរាតត្បាតកូវីដ១៩។

ការហោះហើរទៅកាន់បណ្តាទីក្រុងនានានៅអាមេរិកខាងជើង ដូចជា Pittsburgh, Calgary និង Charleston ត្រូវបានលុបចោល ជាមួយនឹងជើងហោះហើរទៅកាន់ទីក្រុងសេអ៊ូល គូឡាឡាំពួ និងអូសាកា។ មិនតែប៉ុណ្ណោះ ប្រទេស Seychelles ដែលជាទិសដៅសម្រាប់ថ្ងៃឈប់សម្រាករដូវរងាដ៏ពេញនិយម ក៏ត្រូវបានគេដកចេញផងដែរ។

ជាមួយគ្នានេះ Muscat, Jeddah និង Abu Dhabi ត្រូវបានលុបចោល ហើយ British Airways ក៏នឹងផ្អាកការហោះហើរជាបណ្តោះអាសន្ន ទៅកាន់ទីក្រុង Sydney, បាងកក និង San Jose ក្នុងរដូវក្តៅឆ្នាំ ២០២១ ទៀតផង៕