Toyota bZ4X ជារថយន្តអគ្គិសនីដ៏លេចធ្លោមួយលើទីផ្សារ ដោយមានបំពាក់បច្ចេកវិទ្យាទំនើបទាន់សម័យ រូបរាងទាក់ទាញ និងអាចផ្ដល់ចម្ងាយបើកបរបានឆ្ងាយគួរសមផងដែរ។
រថយន្តនេះបានចាប់ផ្ដើមបញ្ចេញលក់លើទីផ្សារមួយចំនួនកាលពីពាក់កណ្ដាលឆ្នាំ២០២២ ដោយតម្លៃរបស់វានៅសហរដ្ឋអាមេរិកគឺចាប់ពី ៤២ ០០០ដុល្លារ សម្រាប់ប្រភេទ XLE ស៊េរីឆ្នាំ២០២៣។
ងាកមកទីផ្សារកម្ពុជាឯណេះវិញ ក៏ឃើញមានរថយន្តអគ្គិសនីដ៏ទាក់ទាញនេះ ចរាចរណ៍លក់លើទីផ្សារផងដែរ។
តាមការប្រកាសលក់របស់ហាងលក់រថយន្តមួយកន្លែងបានបង្ហាញថា រថយន្ត Toyota bZ4X ស៊េរីឆ្នាំ២០២៣ ប្រភេទ Long Range ដែលអាចបើកបរបានឆ្ងាយដល់ជាង ៦០០គ.ម មានដាក់លក់ក្នុងតម្លៃជាង ៦ម៉ឺនដុល្លារ ជារថយន្តថ្មីសន្លាងតែម្ដង។
គួរដឹងថា រថយន្ត Toyota bZ4X លើទីផ្សារបរទេស មានចែកចេញជាពីរប្រភេទម៉ូទ័រអគ្គិសនី ដោយមានជាប្រភេទប្រើម៉ូទ័រអគ្គិសនីមួយ FWD អាចផលិតកម្លាំងបាន ២០១សេះ និងប្រភេទប្រើម៉ូទ័រអគ្គិសនីពីរ AWD អាចផលិតកម្លាំងបានសរុប ២១៥សេះ៕