ការថតវីដេអូ ProRes លើ iPhone 15 Pro ដែលមានទំហំផ្ទុក 128GB គឺអាចថតបានត្រឹមកម្រិត 1080p 30 frames តែប៉ុណ្ណោះ។
បើចង់ថតអោយលើសនេះ ក្នុងកម្រិត 4K 60 frame លុះត្រាតែដោត external storage ក្រៅបន្ថែម ឬទាល់តែអ្នកប្រើទិញ iPhone 15 Pro ចាប់ពីម៉ូឌែល 256GB ឡើងទៅ។
យ៉ាងណា សម្រាប់ម៉ូឌែល iPhone 15 Pro Max គឺអាចថត វីដេអូ ProRes គុណភាពខ្ពស់ 4K 60 frames ត្បិតម៉ូឌែលនេះមានទំហំផ្ទុកធំ ចាប់ពី 256GB ឡើងទៅ។
វីដេអូ ProRes គឺមានទំហំធំណាស់ ដោយ Apple បាននិយាយថា ១នាទី 10-bit ProRes video ស៊ីទំហំ 1.7GB បើថត 1080p និងស៊ីទំហំ 6GB បើថត 4K។ ម៉្លោះហើយហេតុផលនេះ អាចជាការរឹតត្បិតរបស់ Apple មិនឱ្យ iPhone មានទំហំផ្ទុកតូចថតដល់ 4K Prores បាន។
ដូចគ្នាផងដែរ iPhone 13 Pro ដែលចេញឆ្នាំមុន ក៏អាចថតបានត្រឹមការកំណត់ដូចខាងលើ សម្រាប់ម៉ូឌែល 128GB។ គួរដឹងផងដែរ ការថតវីដេអូ ProRes នៅតែបន្តមិនអាចថតបានលើម៉ូឌែលធម្មតា គឺ iPhone 15 និង iPhone 15 Plus។
គួរបញ្ជាក់ថា មុខងារថតវីដេអូ ProRes មានចាប់ពី iPhone 13 Pro ដោយ codec file ប្រភេទនេះ ជា format វីដេអូកម្រិតខ្ពស់ បើកផ្លូវឱ្យអ្នកថតកុនលើ iPhone មានភាពងាយស្រួល ត្បិតវីដេអូថតរួច អាច export ជា ProRes file ទៅកាន់កម្មវិធី Final Cut Pro លើកុំព្យូទ័រ Mac ឬអាច edit លើស្មាតហ្វូនផ្ទាល់បាន។ ProRes file ជាទម្រង់វីដេអូដែលត្រូវបានប្រើយ៉ាងច្រើននៅក្នុងវិស័យផលិតភាពយន្ត វីដេអូផ្សាយពាណិជ្ជកម្ម និងសម្រាប់ការចាក់ផ្សាយផងដែរ៕