ទោះថមថយកម្លាំងចាប់អារម្មណ៍ទីផ្សារស្មាតហ្វូន ប៉ុន្ដែ Motorola មិនទាន់ទៅណានោះទេ ត្បិតទើបប្រកាសចេញ ទូរសព្ទម៉ូឌែលថ្មី GS4។
ទូរសព្ទតម្លៃ ១៥០ដុល្លារ ដែលដាក់លក់មុនគេនៅទីផ្សារប្រទេសចិននេះ មានតួខ្លូនទាក់ភ្នែកគួរសម មានខ្នងក្រោយស្រោបដោយស្បែកគ្រើមៗ និងលាបពណ៌រាងឆើតបន្តិចចំនួន៣ គឺពណ៌បៃតង ខៀវ និងស្វាយកាត់ទៅរកផ្កាឈូកបន្តិច។
ពាណិជ្ជកម្ម
ខ្នងក្រោយនេះដែរ ប្រើកាមេរ៉ាគោល 50MP និង 2MP depth រួមទាំងកាមេរ៉ាមុខ 16MP។ វាបំពាក់បន្ទះឈីបកម្រិតស្រាល Dimensity 7020 មានទំហំផ្ទុក 8GB RAM និង 128GB storage។
ទូរសព្ទកម្រិតថវិការនេះ ប្រើទំហំខ្លួន 6.5-inch មាន resolution 1080x2400px IPS LCD និង 120Hz refreh rate។ វាក៏មានទំហំថ្មធំ 5000 mAh ទ្រទ្រង់កម្លាំងសាក 15W និងបានអាប់ដេតទៅ Android 14 ថែមទាំងទទួលបានការអាប់ដេតសុវត្ថិភាពរយៈពេល ៣ឆ្នាំ ថែមទៀតផង៕