ភាគហ៊ុននៅក្នុងក្រុមហ៊ុន Airbnb បានកើនឡើងនៅថ្ងៃពាណិជ្ជកម្មសាធារណៈដំបូងរបស់ពួកគេ ដែលផ្តល់ឲ្យក្រុមហ៊ុននូវតម្លៃជាង ១០០ ពាន់លានដុល្លារ។
ពាណិជ្ជកម្ម
ក្រុមហ៊ុនកក់កន្លែងស្នាក់នៅតាមអនឡាញ Airbnb នេះ រៃបានលុយសរុបចំនួន ៣,៥ ពាន់លានដុល្លារ។ ក្រុមហ៊ុនបាននិយាយថា ខ្លួននឹងប្រើលុយនេះដើម្បីជួយវាឲ្យរួចផុតពីបញ្ហាកូវីដ១៩ ដែលបានបំផ្លាញការធ្វើដំណើរ។ ការប្រែប្រួលនេះកើតឡើង ដោយសារតែវិនិយោគិនជាច្រើនកំពុងចាប់អារម្មណ៍លើក្រុមហ៊ុនបច្ចេកវិទ្យា។
តម្រូវការភាគហ៊ុនរបស់ក្រុមហ៊ុន Airbnb គឺក្តៅគគុកខ្លាំងណាស់ ដោយតម្លៃក្នុងការបើកពាណិជ្ជកម្ម (opening trade) កើនឡើងទ្វេដងពី ៦៨ ដុល្លារក្នុងមួយភាគហ៊ុន។
នាយកប្រតិបត្តិក្រុមហ៊ុន Airbnb លោក Brian Chesky បានប្រាប់កាសែត BBC ថា ក្រុមហ៊ុនគ្រោងនឹងប្រើលុយដ៏ច្រើនសន្ធឹកនេះដើម្បីទប់ទល់នឹងវិបត្តិដែលកំពុងកើតមានពេលបច្ចុប្បន្ន៕
