ក្រុមហ៊ុន Google របស់ Alphabet Inc បាននិយាយកាលពីថ្ងៃអង្គារថា ខ្លួននឹងទិញប្រហែល ៣/៤ នៃថាមពលកកើតឡើងវិញ របស់ SB Energy Global នៅតិចសាស់ ព្រោះខ្លួនមានបំណងដំណើរការមជ្ឈមណ្ឌលទិន្នន័យដោយប្រើប្រាស់ថាមពលគ្មានកាបូននៅត្រឹមឆ្នាំ ២០៣០។
ក្រុមហ៊ុនកំពុងត្រៀមផ្លាស់ប្តូរយ៉ាងឆាប់រហ័សដើម្បីឆ្ពោះទៅរកថាមពលស្អាត និងការដឹកជញ្ជូន ខណៈដែលពួកគេសម្លឹងរកការសម្រេចបាននូវគោលដៅបរិស្ថាន និងនិរន្តរភាព។ ខណៈពេល ច្បាប់កាត់បន្ថយអតិផរណាដែលមានតម្លៃ ៤៣០ពាន់លានដុល្លារ ដែលចុះហត្ថលេខាដោយប្រធានាធិបតី Joe Biden ដែលបានចុះហត្ថលេខាកាលពីខែសីហា ក៏ស្វែងរកការលើកទឹកចិត្តដល់ការផ្លាស់ប្តូរទៅថាមពលស្អាត ដោយការផ្តល់ឥណទានពន្ធផងដែរ។
ក្រុមហ៊ុន Google នឹងប្រើប្រាស់ថាមពលពីក្រុមហ៊ុនដែលគាំទ្រដោយក្រុមហ៊ុន SoftBank Group Corp ដែលនឹងមានសមត្ថភាពប្រហែល ៣ជីហ្គាវ៉ាត់ នៅដើមឆ្នាំក្រោយ ដើម្បីផ្តល់ថាមពលដល់មជ្ឈមណ្ឌលទិន្នន័យនៅរដ្ឋតិចសាស់។
គម្រោងថាមពលពន្លឺព្រះអាទិត្យ Orion 1, 2 និង 3 របស់ SB Energy និង Eiffel ដែលមានសមត្ថភាពសរុបជិត ១,២ ជីហ្គាវ៉ាត់ (GW) ត្រូវបានគេរំពឹងថានឹងរួចរាល់ដើម្បីផ្គត់ផ្គង់ថាមពលនៅពាក់កណ្តាលឆ្នាំ ២០២៤៕