កាសែត Financial Times បានរាយការណ៍កាលពីថ្ងៃចន្ទថា ប្រធានាធិបតីឥណ្ឌូនេស៊ី Joko Widodo កំពុងពិចារណាចូលរួមជាមួយឥណ្ឌា និងចិនក្នុងការទិញប្រេងពីរុស្ស៊ី ដើម្បីទូទាត់សម្ពាធកើនឡើងនៃថ្លៃថាមពល។
លោក Widodo បាននិយាយនៅក្នុងបទសម្ភាសន៍ជាមួយកាសែត Financial Times នៅពេលគាត់ត្រូវបានសួរថា តើប្រទេសឥណ្ឌូនេស៊ីនឹងទិញប្រេងពីរុស្ស៊ីដែរឬទេ លោកក៏បានឆ្លើយតបថា “យើងតែងតែតាមដានគ្រប់ជម្រើសទាំងអស់ ប្រសិនបើមានប្រទេសដែលពួកគេផ្តល់តម្លៃកាន់តែប្រសើរ” ។
កាលពីដើមខែនេះ លោក Widodo បានដំឡើងថ្លៃប្រេងឥន្ធនៈដែលបានឧបត្ថម្ភចំនួន ៣០ភាគរយ ហើយបាននិយាយថា ការដំឡើងថ្លៃគឺជា “ជម្រើសចុងក្រោយ” របស់គាត់ ដោយសារតែសម្ពាធសារពើពន្ធ ដែលបង្កឱ្យមានការតវ៉ានៅទូទាំងប្រទេសដែលមានប្រជាជន ២៧០លាននាក់។
កាលពីខែសីហា រដ្ឋមន្ត្រីក្រសួងទេសចរណ៍លោក Sandiaga Uno បាននិយាយថា ឥណ្ឌូណេស៊ីត្រូវបានផ្តល់ប្រេងឆៅពីរុស្ស៊ីក្នុងការបញ្ចុះតម្លៃ ៣០ ភាគរយ។ បន្ទាប់ពីបញ្ហានេះ ក្រុមហ៊ុនប្រេងរបស់រដ្ឋ Pertamina បាននិយាយថា ខ្លួនកំពុងពិនិត្យមើលហានិភ័យនៃការទិញប្រេងពីរុស្ស៊ី។
ឥណ្ឌូណេស៊ី ដែលជាប្រទេសមានសេដ្ឋកិច្ចធំជាងគេនៅអាស៊ីអាគ្នេយ៍ បានប្រកាសអត្រាអតិផរណាប្រចាំឆ្នាំចំនួន ៤,៦៩ ភាគរយនៅក្នុងខែសីហា លើសពីកម្រិតគោលដៅរបស់ធនាគារកណ្តាលគឺ ២ ភាគរយ និង -៤ភាគរយសម្រាប់រយៈពេលបីខែជាប់គ្នា ដោយសារតែតម្លៃអាហារខ្ពស់៕