[តៃវ៉ាន់] ការនាំចេញរបស់តៃវ៉ាន់ទំនងជាបានកើនឡើងក្នុងរយៈពេល ២៤ខែជាប់គ្នានៅត្រឹមខែមិថុនា និងលឿនជាងខែឧសភា ដោយសារការបន្ធូរបន្ថយបញ្ហាសង្វាក់ផ្គត់ផ្គង់ និងតម្រូវការបច្ចេកវិទ្យាកាន់តែខ្លាំង។
តៃវ៉ាន់ ដែលជាមជ្ឈមណ្ឌលសកលសម្រាប់ការផលិតបន្ទះឈីប និងជាអ្នកផ្គត់ផ្គង់ដ៏សំខាន់ដល់ Apple Inc គឺជាអ្នកនាំចេញទំនិញបច្ចេកវិទ្យាឈានមុខគេមួយនៅអាស៊ី ដូច្នេះទិន្នន័យពាណិជ្ជកម្មត្រូវបានគេមើលឃើញថាជាប្រទេសមួយដ៏សំខាន់នៃតម្រូវការពិភពលោកសម្រាប់ឧបករណ៍បច្ចេកវិទ្យា។
ការនាំចេញកាលពីខែមុនត្រូវបានគេប៉ាន់ស្មានថាបានកើនឡើង ១៣,៥៥ ភាគរយធៀបនឹងឆ្នាំមុន ដែលការស្ទង់មតិរបស់អ្នកវិភាគ ១៨ រូបបានបង្ហាញថា លឿនជាងការកើនឡើង ១២,៥ ភាគរយក្នុងខែឧសភា។
ការព្យាករណ៍ការនាំចេញមានចន្លោះពីការកើនឡើងពី ៦ភាគរយទៅ ១៩,៤ ភាគរយ ដែលឆ្លុះបញ្ចាំងពីភាពមិនប្រាកដប្រជាលើការងើបឡើងវិញនៃសេដ្ឋកិច្ចពិភពលោក និងការរំខានដល់ខ្សែសង្វាក់ផ្គត់ផ្គង់ដែលបណ្តាលមកពីកាបិទខ្ទប់នៅភាគខាងកើតប្រទេសចិន និងការលុកលុយរបស់រុស្ស៊ីនៅអ៊ុយក្រែន។
ដោយឡែកសន្ទស្សន៍តម្លៃទំនិញប្រើប្រាស់ត្រូវបានគេរំពឹងថានឹងកើនឡើង ៣,៥ ភាគរយធៀបនឹងឆ្នាំមុន ដែលជាអត្រាលឿនជាងការកើនឡើងកាលពីឆ្នាំមុនចំនួន ៣,៣៩ ភាគរយក្នុងខែឧសភា៕