[ទីផ្សារបរទេស] ក្រុមហ៊ុនផ្គត់ផ្គង់សំខាន់របស់ Apple Foxconn បានបញ្ឈប់ដំណើរការនៅរោងចក្ររបស់ខ្លួនចំនួន ២ នៅ Kunshan ភាគខាងកើតប្រទេសចិន បន្ទាប់ពីករណីថ្មីនៃការឆ្លងរាលដាលកូវីដ-១៩ ។ នេះបើយោងតាមចុះផ្សាយរបស់សារព័ត៌មាន Reuters ។
ពាណិជ្ជកម្ម
ជាមួយគ្នានេះដែរនៅក្នុងរបាយការណ៍បានបញ្ជាក់ថា ប្រតិបត្តិការនៅរោងចក្រទាំងនោះត្រូវបានផ្អាកចាប់តាំងពីថ្ងៃពុធសប្តាហ៍មុន ដោយបុគ្គលិកទាំងអស់ត្រូវបានបង្ខាំងនៅក្នុងអន្តេវាសិកដ្ឋាននៅខាងក្នុង។
ដោយទ្បែកចំពោះរោងចក្រ Foxconn ទាំងពីរដែលមានទីតាំងនៅ Dianfa និង Fuhong នៅភាគខាងជើងនៃ Kunshan គឺជាទីតាំងផលិតកម្មចំនួន ២ ក្នុងចំណោម ៤ ដែលបានដំណើរការនៅក្នុងទីក្រុងដោយក្រុមហ៊ុនតៃវ៉ាន់ ដែលត្រូវបានគេស្គាល់ថា Hon Hai Precision Industry ។
យ៉ាងណាមិញចំពោះ Apple និង Foxconn មិនបានឆ្លើយតបភ្លាមៗចំពោះសំណើសុំការអត្ថាធិប្បាយនៅទ្បើយទេ៕
