[ទីផ្សាបរទេស] Google របស់ Alphabet កំពុងធ្វើការវិនិយោគនៅក្នុងមជ្ឈមណ្ឌលអភិវឌ្ឍន៍ផលិតផលអាហ្រ្វិកដំបូងគេដែលមិនធ្លាប់មាននៅក្នុងរដ្ឋធានីណៃរ៉ូប៊ី ប្រទេសកេនយ៉ា ដោយសារតែបម្រើដល់មូលដ្ឋានអ្នកប្រើប្រាស់អ៊ីនធឺណិតដែលកំពុងកើនឡើងនៅលើទ្វីបនេះ។
សម្រាប់ក្រុមហ៊ុនដែលមានមូលដ្ឋាននៅរដ្ឋកាលីហ្វ័រញ៉ាបាននិយាយថាទ្វីបនេះនឹងមានអ្នកប្រើប្រាស់អ៊ីនធឺណែតចំនួន ៨០០ លាននាក់ ហើយវាជាចំនួនមួយភាគបីដែលប្រជាជនវ័យក្មេងរបស់ពិភពលោកដែលធ្វើឱ្យវាក្លាយជាគោលដៅវិនិយោគដ៏ទាក់ទាញមួយនៅចុងទស្សវត្សនេះ ។
បន្ថែមពីនេះលោក Suzanne Frey អនុប្រធានផ្នែកផលិតផល និងលោក Nitin Gajria ប្រធានក្រុមហ៊ុន Google Africa បានបញ្ជាក់ថា Google កំពុងជួលវិស្វករ អ្នកគ្រប់គ្រងផលិតផល អ្នករចនាបទពិសោធន៍អ្នកប្រើប្រាស់ និងអ្នកស្រាវជ្រាវដល់បុគ្គលិកនៃមជ្ឈមណ្ឌលថ្មីនេះ។
ហើយលោក Sundar Pichai ក៏បានបញ្ជាក់ផងដែរថាខ្លួនកំពុងតែវិនិយោគ ១ ពាន់លានដុល្លារលើគម្រោងផ្សេងៗនៅលើទ្វីបនេះក្នុងរយៈពេល ៥ ឆ្នាំដើម្បីជួយដល់សេដ្ឋកិច្ច និងបង្កើនល្បឿននៃការផ្លាស់ប្តូរឌីជីថលរបស់ពួកគេ។ ដោយទ្បែកចំពោះការបើកមជ្ឈមណ្ឌលបញ្ញាសិប្បនិមិត្តរួចហើយនៅក្នុងទីក្រុង Accra ប្រទេសហ្គាណា ដោយផ្តោតលើការច្នៃប្រឌិតដែលអាចអនុវត្តបានចំពោះបញ្ហាប្រឈមផ្សេងៗ។
គួររំលឹកផងដែរថាក្រុមហ៊ុន Microsoft ក៏បាននិងកំពុងវិនិយោគលើមជ្ឈមណ្ឌលអភិវឌ្ឍន៍បច្ចេកវិទ្យានៅក្នុងប្រទេសកេនយ៉ា និងនីហ្សេរីយ៉ា បានវិនិយោគលើគម្រោងនេះដែលទឹកប្រាក់ចំនួន ១០០ លានដុល្លារ និងជួលវិស្វកររាប់រយនាក់នៅក្នុងប្រទេសទាំងពីរផងដែរ៕
