[ទីផ្សារបរទេស] ក្រុមហ៊ុនផលិតម៉ូតូ Honda បានធ្វើការបញ្ចេញនូវម៉ូឌែល ADV 160 ស៊េរីឆ្នាំ ២០២២ ប្រភេទ Scooter ជាមួយនឹងការបំពាក់ម៉ាស៊ីន និងប្រព័ន្ធសុវត្ថិភាពថ្មី ស្រដៀងគ្នាទៅនឹង Honda PCX 160 ឬ Click 160 ដែលបានដាក់បង្ហាញនូវនៅក្នុងព្រឹត្តិការណ៍ EICMA Show 2021 កាលពីពេលកន្លងទៅ នឹងត្រៀមបង្ហាញខ្លួនក្នុងប្រទេសថៃឆាប់ៗនេះ។
ការឌីហ្សាញនៃម៉ូតូ Honda Click 160 ទទួលបានរចនាទ្បើងជាមួយរូបរាងថ្មីកាន់តែស្ព័រ ដោយបានបំពាក់មកជាមួយនឹងចង្កៀងប្រភេទ LED, កុងទ័រឌីជីថលប្រភេទ LCD, រន្ធសាកប្រភេទ USB និង Smart key, ប្រព័ន្ធ HSTC anti-trolling ការតភ្ជាប់ RoadSnyc ទៅកាន់ស្មាតហ្វូនក៏ត្រូវបានរួមបញ្ចូល និងប្រអប់ដាក់ឥវ៉ាន់ក្រោមកៅអីមានទំហំធំអាចដាក់បានច្រើនផងដែរ។
ខណៈដែលថាមពលម៉ាស៊ីននៃម៉ូតូ Honda ADV 160 ប្រើប្រាស់ម៉ាស៊ីនសាំង eSP+ ទំហំ ១ស៊ីទ្បាំង ចំណុះ ១៤៩សេសេ ឬ ១៥៧សេសេ ផលិតកម្លាំង ១៥,៨សេះ និងកម្លាំងរមួល ១៥ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT។
ម៉ូតូ Honda ADV 160 ស្រដៀងទៅនឹង PCX 160 និង Click 160 ដោយវាបានបំពាក់នូវប្រព័ន្ធបច្ចេកវិទ្យាសុវត្ថិភាពខ្ពស់ជាមួយនឹងប្រព័ន្ធ HSTC ដើម្បីការពារការលំនឹងកង់នៅពេលបើកបរ ជាមួយនឹងទំនុកចិត្តជាមួយឌីសហ្វ្រាំងខាងមុខ បន្ថែមជាមួយប្រព័ន្ធហ្រ្វាំង ABS នៅខាងក្រោយផងដែរ។ យ៉ាងណាមិញចំពោះ Honda ADV 160 មិនទាន់មានព័ត៌មានណាមួយបានបង្ហាញអំពីតម្លៃនៅទ្បើយទេសម្រាប់ទីផ្សារក្នុងប្រទេសថៃ៕
