យោងតាមប្រភពព័ត៌មានបានឲ្យដឹងថា ក្រុមហ៊ុន Microsoft Corp បានបញ្ឈប់ការផលិតម៉ាស៊ីនហ្គេម Xbox One ទាំងអស់ ដើម្បីផ្តោតលើការផលិតម៉ាស៊ីនហ្គេមជំនាន់ក្រោយរបស់ខ្លួន។ នេះបើយោងតាមគេហទំព័រ The Verge បានរាយការណ៍កាលពីថ្ងៃព្រហស្បតិ៍។
យោងតាម The Verge ដើមឡើយក្រុមហ៊ុន Microsoft បានឈប់ផលិតម៉ាស៊ីនហ្គេម Xbox One X និង Xbox One S ឌីជីថល របស់ខ្លួន មុនពេល Xbox Series X បង្ហាញខ្លួននៅឆ្នាំ ២០២០។
ទោះបីជាយ៉ាងណាក៏ដោយ ក្រុមហ៊ុន Microsoft មិនបានឆ្លើយតបភ្លាមៗ ដើម្បីផ្តល់ការអត្ថាធិប្បាយនោះទេ។
គួររំលឹកឲ្យដឹងថា ក្រុមហ៊ុន Software យក្សមួយនេះ បានដាក់ចេញនូវម៉ាស៊ីនហ្គេម Xbox Series X របស់ខ្លួនចំនួន ២ កាលពីខែវិច្ឆិកា ឆ្នាំ ២០២០ ពោលគឺរយៈពេល ៧ ឆ្នាំ បន្ទាប់ពីការបង្ហាញខ្លួននៃកំណែមុន។
យ៉ាងណាក៏ដោយ ឧស្សាហកម្មមួយចំនួននៅទូទាំងពិភពលោក កំពុងប្រឈមមុខនឹងការខ្វះខាតបន្ទះឈីបដែលមិនធ្លាប់មានពីមុនមក បណ្តាលឲ្យមានការពន្យាពេលក្នុងការដឹកជញ្ជូនផលិតផលមួយចំនួន៕