ក្រុមហ៊ុនមួយអះអាងថា វ៉ាក់សាំងប្រឆាំងកូវីដ១៩ របស់ខ្លួន មានប្រសិទ្ធិភាព ៩០%

ក្រុមហ៊ុនផលិតឱសថ Pfizer របស់សហរដ្ឋអាមេរិក បានប្រកាសកាលពីថ្ងៃច័ន្ទថា ការវិភាគដំបូងនៃការសាកល្បងវ៉ាក់សាំងការពារជំងឺកូវីដ១៩ របស់ខ្លួន បានបង្ហាញថា “មានប្រសិទ្ធភាពខ្ពស់ក្នុងការការពារ” ដែលជាការរីកចម្រើនមួយ ខណៈដែលពិភពលោកបានរង់ចាំយ៉ាងអន្ទះសាចំពោះវ៉ាក់សាំងនេះ បន្ទាប់ពីជំងឺឆ្លងដ៏សាហាវនេះបានសម្លាប់មនុស្សជាង ១,២លាននាក់នៅទូទាំងពិភពលោក។

ពាណិជ្ជកម្ម

ក្រុមហ៊ុន Pfizer ដែលបានបង្កើតវ៉ាក់សាំងជាមួយក្រុមហ៊ុនផលិតឱសថអាល្លឺម៉ង់ BioNTech បានចេញផ្សាយព័ត៌មានលម្អិតពីការសាកល្បងរបស់ខ្លួន ដោយផ្អែកលើការពិនិត្យឡើងវិញជាផ្លូវការដំបូងនៃទិន្នន័យ ដោយក្រុមអ្នកជំនាញ។

ក្រុមហ៊ុនបាននិយាយថា ការវិភាគបានរកឃើញថាវ៉ាក់សាំងនេះមានប្រសិទ្ធភាពជាង ៩០ ភាគរយ ក្នុងការការពារជំងឺក្នុងចំណោមអ្នកស្ម័គ្រចិត្តសាកល្បង ដែលមិនមានភស្តុតាងនៃការឆ្លងមេរោគមុន។ ប្រសិនបើលទ្ធផលមានការកើនឡើងកម្រិតនៃការការពារ នោះគេនឹងផ្តល់វាដូចគ្នានឹងទៅវ៉ាក់សាំងកុមារអីចឹង។

មិនតែប៉ុណ្ណោះ ក្រុមហ៊ុនបាននិយាយថា មិនមានការព្រួយបារម្ភអំពីសុវត្ថិភាពធ្ងន់ធ្ងរណាមួយកើតឡើងនោះទេ។

មិនតែប៉ុណ្ណោះ ក្រុមហ៊ុន Pfizer គ្រោងនឹងស្នើសុំរដ្ឋបាលចំណីអាហារ និងឱសថ (Food and Drug Administration) សម្រាប់ការអនុញ្ញាតជាបន្ទាន់ នូវការផ្តល់វ៉ាក់សាំង (two-dose vaccine) នៅចុងខែនេះ បន្ទាប់ពីក្រុមហ៊ុនបានប្រមូលទិន្នន័យសុវត្ថិភាពដែលបានណែនាំចំនួនពីរខែរួចមកហើយ។

គួរឲ្យដឹងថា ក្រុមហ៊ុនផលិតឳសថខាងលើនឹងអាចផលិតវ៉ាក់សាំងសម្រាប់មនុស្សពី ១៥ ទៅ ២០លាននាក់ នៅត្រឹមដំណាច់ឆ្នាំនេះ៕