ស្របពេលដែលពាក្យចចាមអារ៉ាមកំពុងនិយាយអំពី AirPods ជំនាន់ទី៣ វាក៏បានលេចមុខនៅលើបណ្តាញអ៊ីនធឺណិត ហើយឥឡូវនេះគេក៏មានភ័ស្តុតាងបញ្ជាក់ថា Apple កំពុងធ្វើការលើ AirPods ជំនាន់ថ្មីនេះដែរ។
យោងតាមគេហទំព័រ 52audio បានចែកបង្ហោះរូបថតដែលអះអាងថាជា AirPods 3 ថ្មី ដែលមានការឌីហ្សាញតូចជាងមុន តែស្រដៀង AirPods Pro។
ពាណិជ្ជកម្ម
មិនតែប៉ុណ្ណោះ បើតាមគេហទំព័រ Bloomberg បានឲ្យដឹងថា Apple កំពុងសម្ងំធ្វើការលើ AirPods ថ្មីចំនួន ២ ម៉ូដែល ដោយក្នុងនោះរួមមានទាំង AirPods ជំនាន់ទី៣ ផងដែរ។ ថ្វីបើមានការឌីហ្សាញស្រដៀង AirPods Pro ប៉ុន្តែ AirPods 3 នឹងមិនមានមុខងារសំខាន់ ដូចជា Active Noise Cancellation ឡើយ។
ទោះជាយ៉ាងណាក៏ដោយ គេមិនទាន់ដឹងច្បាស់ឡើយថា ពេលណាទើប Apple នឹងប្រកាសចេញ AirPods ថ្មី ប៉ុន្តែគេហទំព័រ Bloomberg អះអាងថា Apple នឹងមិនចេញវាក្នុងឆ្នាំ២០២០ នេះឡើយ៕