Tesla បានបង្កើតកំណត់ត្រាថ្មីរបស់ខ្លួន ដោយបានចេញលក់ស្រា Tequila ផ្ទាល់ខ្លួន ដោយឲ្យឈ្មោះថា “Tesla Tequila”។ ទោះជាយ៉ាងណាក៏ដោយ ឥឡូវនេះវាបានដាច់ស្តុកអស់បាត់ទៅហើយ។
ពាណិជ្ជកម្ម
ស្រា Tesla Tequila នេះមានតម្លៃរហូតដល់ទៅ ២៥០ដុល្លារក្នុងមួយដប ដោយច្រកនៅក្នុងដបរាងរន្ទះបាញ់ ហើយមានលក់ក្នុងចំនួនមានកំណត់ និងតែនៅក្នុងរដ្ឋមួយចំនួនប៉ុណ្ណោះ រួមទាំង New York, California និង Washington។
Tesla Tequila បានកើតឡើងដោយសារការលេងសើច April Fool របស់លោក Elon Musk កាលពីឆ្នាំ២០១៨ ដោយពេលនោះ CEO ក្រុមហ៊ុន Tesla រូបនេះបានបង្ហោះសារនៅលើបណ្តាញសង្គម Twitter ថា “Elon សន្លប់នៅក្បែររថយន្ត Tesla Model 3 ហ៊ុំព័ទ្ធដោយដប Teslaquilla ខណៈស្នាមទឹកភ្នែកនៅអាចមើលឃើញលើថ្ពាល់របស់លោក”។
គួរឲ្យដឹងថា ស្រា Tesla Tequila នេះត្រូវបានផលិតដោយក្រុមហ៊ុន Nosotros Tequila៕