បន្ទាប់ពីឃើញទីផ្សារនៃការលក់រថយន្តរបស់ខ្លួនកំពុងជួបប្រទះនឹងការប្រកួតប្រជែងជាខ្លាំងពីសំណាក់ក្រុមហ៊ុនផលិតរថយន្តរបស់ប្រទេសចិន ព្រមទាំងមានការលក់ធ្លាក់ចុះនៅក្នុងទីផ្សារជាច្រើន ពេលនេះ ក្រុមហ៊ុន Tesla ដែលក្រុមហ៊ុនល្បីល្បាញក្នុងការផលិតរថយន្តអគ្គិសនីរបស់សហរដ្ឋអាមេរិក បាន និងកំពុងផ្លាស់ប្ដូរទិសដៅថ្មីរបស់ខ្លួនហើយ ដោយក្នុងនោះ នៅក្នុងពេលអនាគតពួកគេនឹងផ្តោតទៅលើការផលិត និងការអភិវឌ្ឈន៏មនុស្សយន្ត Optimus humanoid ជាចម្បងវិញ នេះបើយោងតាមសម្តីរបស់់នាយកប្រតិបត្តិក្រុមហ៊ុន Tesla លោក Elon Musk បានប្រកាស។
ក្នុងនោះ ចំពោះមូលហេតុនៃការផ្លាស់ប្តូរទិសដៅថ្មីរបស់ក្រុមហ៊ុន Tesla នេះ គឺដើម្បីបង្ហាញពីសមត្ថភាពបច្ចេកវិទ្យាមនុស្សយន្តឆ្លាតវៃថ្មីៗរបស់ខ្លួន និងដើម្បីប្រកួតប្រវែងជាមួយទីផ្សារមនុស្សយន្តរបស់ប្រទេសចិនដែលកំពុងតែមានការកើនឡើងជាខ្លាំងនៅក្នុងពេលបច្ចុប្បន្ននេះ។
ជាមួយគ្នានេះ សម្រាប់ក្រុមហ៊ុន Tesla ផ្ទាល់ ក៏គ្រោងនឹងប្រកាសចាប់ផ្តើមដាក់ឲប្រើប្រាស់នូវមនុស្សយន្ត Optimus humanoid របស់ខ្លួននេះ នៅក្នុងឆ្នាំ ២០២៦ ខាងមុខនេះផងដែរ ពោលគឺរំពឹងថាមនុស្សយន្ត Optimus នេះ នឹងអាចក្លាយជាផ្នែកសំខាន់បំផុតរបស់ក្រុមហ៊ុនដោយមានចំនួនដល់ទៅ 80% ឯណ្ណោះ នៃតម្លៃសរុបរបស់ក្រុមហ៊ុន Tesla ៕