ជំនួសឲ្យការបញ្ចុះតម្លៃ Black Friday អ្នកប្រើប្រាស់នៅក្នុងប្រទេសតួកគី ត្រូវប្រឈមមុខនឹងការឡើងថ្លៃយ៉ាងសន្ធឹកសន្ធាប់សម្រាប់ផលិតផល Apple បន្ទាប់ពីតម្លៃលុយ Lira ធ្លាក់ដល់កម្រិតទាបបំផុតក្នុងសប្តាហ៍នេះ។
ឧបករណ៍ Apple មួយចំនួនមានតម្លៃថ្លៃជាងធម្មតា ២៥ ភាគរយ ខណៈមួយចំនួនទៀតមានតម្លៃច្រើនជាងប្រាក់ឈ្នួលអប្បបរមាក្នុងស្រុកទៅទៀត។
អតិផរណាឡើងទ្វេដង និងភាពទន់ខ្សោយនៃរូបិយប័ណ្ណតួកគី បានបំផ្លាញអំណាចទិញរបស់អ្នកប្រើប្រាស់ ដែលនាំឲ្យមានវិបត្តិជីវភាពរស់នៅ និងសម្ពាធលើរដ្ឋាភិបាល។
គួរឲ្យដឹងថា លុយ Lira បានបាត់បង់តម្លៃ ៣៨ ភាគរយ ធៀបនឹងប្រាក់ដុល្លារ ចាប់តាំងពីដើមឆ្នាំ ២០២១។ ក្នុងនោះ ទូរសព្ទ iPhone 12 ដែលជាទូរសព្ទលក់ដាច់បំផុតរបស់ Apple មានតម្លៃ ១០ ៩៩៩ Lira (ប្រហែល ៨៨៥ដុល្លារ) កាលពីថ្ងៃព្រហស្បតិ៍ ហើយឡើងដល់ ១៣ ៩៩៩ Lira (ប្រហែល ១ ១២០ដុល្លារ) នៅថ្ងៃសុក្រ។
សូមបញ្ជាក់ថា តម្លៃនេះមានន័យថា វាបានឡើងថ្លៃប្រហែល ៣ ០០០ Lira (ឬប្រហែល ២៣០ដុល្លារ) ដែលលើសពីប្រាក់ឈ្នួលអប្បបរមាប្រចាំខែសុទ្ធ ចំនួន ២ ៨២៥ (ប្រហែល ២៣០ដុល្លារ) ទៅទៀត៕