ក្រសួងកសិកម្ម និងសហប្រតិបត្តិការថៃ បាននិយាយថា ប្រទេសថៃមានគោលបំណងលើកកម្ពស់ធុរេន ជាផ្លែឈើដ៏សំខាន់សម្រាប់ការបង្កើនការច្នៃប្រឌិតបៃតងនៅក្នុងវិស័យកសិកម្ម ដើម្បីបង្កើនតម្លៃនាំចេញរបស់វា។
ពាណិជ្ជកម្ម
រដ្ឋមន្រ្តីក្រសួងកសិកម្ម និងសហប្រតិបតិ្តការ លោក Chalermchai Sri-on បានប្រាប់សន្និសីទតាមអ៊ីនធឺណេតមួយថា ធុរេននឹងត្រូវបានចាត់ទុកថាជា “ផលិតផលកសិកម្មពិសេស”។
លោក Sri-on បានបន្ថែមទៀតថា “ធុរេនរបស់យើង ល្បីល្បាញដោយសារគុណភាពខ្ពស់ ក្លិនក្រអូប និង រសជាតិពិសេសរបស់វា”។
គួរឲ្យដឹងថា ទុរេន ឈរនៅលំដាប់កំពូលលើការនាំចេញផលិតផលកសិកម្មរបស់ប្រទេសថៃ ដែលមានតម្លៃជាង ២,៩ ពាន់លានដុល្លារ (៩៤,៨ ពាន់លានបាត) ឬស្មើនឹង ២,៥% នៃផលិតផលក្នុងស្រុកសរុប។ លោក Sri-on បានមានប្រសាសន៍ថា អត្រាកំណើនរបស់វាគឺគួរឲ្យចាប់អារម្មណ៍ខ្លាំង ដល់ទៅ ៤០% ឯណោះជារៀងរាល់ឆ្នាំ៕