Apple ទើបតែបានប្រកាសាចេញ iPhone ថ្មីទាំង ៤ ម៉ូដែល មានដូចជា iPhone 12 Mini តម្លៃចាប់ពី ៦៩៩ដុល្លារ, iPhone 12 តម្លៃចាប់ពី ៧៩៩ដុល្លារ, iPhone 12 Pro តម្លៃចាប់ពី ៩៩៩ដុល្លារ និង iPhone 12 Pro Max តម្លៃចាប់ពី ១ ០៩៩ដុល្លារ។
ដំបូង Apple នឹងចេញលក់ iPhone 12 និង iPhone 12 Pro មុន។ មិនខុសពីឆ្នាំមុន iPhone 12 Pro ផ្តល់នូវមុខងារកាមេរ៉ាខ្លាំងជាង iPhone 12 ធម្មតា។ ក្នុងនោះរួមមានបន្ថែម លេន Zoom មួយទៀត ធ្វើឲ្យ iPhone 12 Pro មានកាមេរ៉ាដល់ ៣ គ្រាប់ ខណៈ iPhone 12 មានតែ ២ គ្រាប់ប៉ុណ្ណោះ។
ប៉ុន្តែ អ្វីដែលខុសគ្នាខ្លាំងបំផុតរវាង iPhone 12 Pro និង iPhone12 ប្រហែលជាសេនស័រ LiDAR របស់វា ដែលអនុញ្ញាតឲ្យវាអាចថតរូបបានកាន់តែស្អាតនៅកន្លែងងងឹត និង មានដំណើរការលឿនជាងមុន នៅពេលប្រើមុខងារ AR។
ក្រៅពីនោះ គ្រប់ម៉ូដែល iPhone 12 ទាំង ៤ មានាបន្ថែម 5G, ការឌីហ្សាញថ្មី, រឹងមាំជាងមុន, បន្ទះឈីបដំណើរការលឿនជាងមុន និង អាចថតរូប Night Mode លើគ្រប់កាមេរ៉ាទាំងអស់ រួមទាំងកាមេរ៉ា Selfie ផងដែរ។
យ៉ាងណាមិញ អ្នកជំនាញបានអះអាងាថា iPhone 12 Pro គឺជាជម្រើសដ៏ល្អបំផុត ក្នុងចំណោម iPhone ទាំង ៤ សម្រាប់អ្នកដែលចង់បានការថតរូបដ៏ល្អឥតខ្ជោះ នៅក្នុងស្មាតហ្វូន ប៉ុន្តែមិនចង់បានទូរសព្ទដែលមានអេក្រង់ធំ ដូចពពួក Pro Max ជាដើម៕