Coca-Cola នឹងបញ្ចប់ជីវិតម៉ាកភេសជ្ជៈ ២០០ ព្រោះការលក់ធ្លាក់ចុះខ្លាំងអំឡុងកូវីដ១៩

ក្រុមហ៊ុន Coca-Cola បានឲ្យដឹងថាកាលពីថ្ងៃព្រហស្បត្តិ៍កន្លងទៅនេះថា ខ្លួននឹងបញ្ចប់ជីវិតម៉ាកភេសជ្ជៈប្រហែល ២០០ម៉ាក។

ក្រុមហ៊ុនភេសជ្ជៈយក្សមួយនេះមិនបានបញ្ជាក់ថាម៉ាកណានឹងត្រូវច្រោះចោលឡើយ ប៉ុន្តែវាទំនងជាដកម៉ាកជាច្រើនចេញពី “ប្រភេទជាតិទឹក” (hydration category) ដែលរួមមានម៉ាក Dasani, Powerade និង Smart Water ជាដើម។

ពាណិជ្ជកម្ម

គួរឲ្យដឹងថា ចាប់តាំងពីខែមិថុនាមក ក្រុមហ៊ុនខាងលើបាននិយាយថា ខ្លួននឹងដកម៉ាកភេសជ្ជៈ ដូចជា Tab, Zico និង Odwalla ចេញ។ ប្រាក់ចំណូលរបស់ Coca-Cola ភាគច្រើនបានមកពីម៉ាកធំបំផុតរបស់ខ្លួនដូចជា Coca-Cola, Sprite និង Fanta។

Coca-Cola បានសម្រេចចិត្តបញ្ចប់ជីវិតម៉ាកផលិតផលមួយចំនួន ដូច្នេះវាអាចធ្វើឲ្យប្រាកដថា ភេសជ្ជៈដែលមានសក្តានុពលខ្លាំងបំផុត នឹងបង្កើនអតិថិជនរបស់ខ្លួនរឹតតែច្រើន៕