ចំណតរថយន្តមួយកន្លែងនៅក្នុងទីក្រុងហុងកុង ត្រូវបានគេរាយការណ៍ថា បានលក់ក្នុងតម្លៃ ១,៣ លានដុល្លារ ដែលវាជាតម្លៃថ្លៃបំផុតមិនធ្លាប់មាន។
ពាណិជ្ជកម្ម
យោងតាមប្រភពព័ត៌មានបានឲ្យដឹងថា វាជាចំណុចមួយក្នុងចំណោមចំណុចជាច្រើន ដែលត្រូវបានលក់នៅតំបន់អភិវឌ្ឍដ៏ប្រណីតមួយ ក្នុងតំបន់លំនៅឋានអ្នកមានរបស់ The Peak។
គួរឲ្យដឹងដែរថា ទីក្រុងហុងកុងមានមនុស្សច្រើនកុះករ រហូតធ្វើឲ្យចង្អៀតខ្លាំង ដែលមានកន្លែងទំនេរខ្លះមិនថាសម្រាប់ការរស់នៅ ឬចតឡាននោះទេ សុទ្ធតែអាចទាក់ទាញតម្លៃខ្ពស់។
មិនតែប៉ុណ្ណោះ ទីក្រុងហុងកុងដែលជាមជ្ឈមណ្ឌលហិរញ្ញវត្ថុសកលខាងលើ បានស្ថិតក្នុងបញ្ជីកន្លែងរស់នៅថ្លៃបំផុតនៅលើពិភពលោកទៀតផង។ តម្លៃកំណត់ត្រាមុនសម្រាប់កន្លែងចតរថយន្ត ក៏ត្រូវបានកាន់កាប់ដោយទីក្រុងហុងកុងដែរ ដោយលក់បានតម្លៃ ៩៨០ ០០០ ដុល្លារក្នុងឆ្នាំ ២០១៩។ នេះបើយោងតាមទីភ្នាក់ងារព័ត៌មាន Bloomberg៕